السلام عليكم و رحمة الله و بركاته
انا مش عارفة ابدأ كلامي منين و لا ازاي لاني خايفة و قلقانة و متلخبطة و مش فاهمة حاجة
معلش ركزوا معايا و فهموني بالراحة
دلوقتي انا آخر بريود كانت 3 مايو و التبويض كان 15 / 5
انا فاكرة كويس قوي لاني اولا بسجل تواريخ البريود عندي و ثانيا يوم التبويض كان في حاجة مهمة عندي و محصلش جماع مع جوزي و الفجر اكتشفت انه يوم التبويض و قلت لجوزي شكلنا كده مفيش نصيب ف الحمل الشهر ده
بس ربنا اراد و حصل الحمل الدكتور حسبلي من يوم 11 كل شهر ابدأ شهر جديد و انا على حسابي كان يوم 16 مش مشكلة قلت فرق ف كام يوم مش حتفرق كتير
رجع السونار قدملي يومين كمان يبقي كده فرق اسبوع قلت مش مشكلة برضه لانهم قالولي السونار بيحسب من عمر البويضة
بقالي فترة كل مرة اعمل سونار الاقي البيبي سابق عمره ب اسبوع كمان
اخر مرة ما شاء الله لا قوة الا بالله لاقيتها سابقه الحساب باسبوعين
يعني كده 3 اسابيع عن حسابي
انا بصراحة خفت قوي و الدكتور معطانيش عقاد نافع
سالته ان كان ده ممكن يسبب ولادة مبكرة لا قدر الله قاللي مفيش حاجة اسمها ولادة مبكرة كل طفل له ميعاد يتولد فيه
طيب ده ممكن يسبب ولادة قيصري (( لاني ولادتي الاولي كانت طبيعية )) قاللي الكلام ده ميتحددش دلوقتي
انا عارفة ان كل شيء بامر الله و انا دايما بقول يارب اختارلي الخير
بس قلقانة قوي و خصوصا ان جوزي رافض فكرة الولادة القيصري تماما و قاللي لو الدكتور ده قالك اولدي قيصري حوديكي لدكتور تاني و مش حسيبه يفتح بطنك
ياريت لو حد حصله حاجة كده يفيدني
MISS INDIA MISS INDIA 432491_7.gif برنسيسة فتكات Fatakat 432491 بورسعيد – مصر