اذيكم ياحبايب قلبى
كما عودتكم سوسو ميدو اللى هو انا على انى مش بخبى اى حاجه عليكم
كنت نايمه فى امان الله واختكم خواجايا بتصحى الضهر
اتصل بيه زوجى حبيبى
وقالى انا اترقيت فرحت جدددددددا
وقلتله مبروووووك
قالى بالمناسبه دى انا عازم 3 صحابى على الغدى عندى فى البيت
قولتله امتى ياحبيبى قالى النهارده
طبعا قلبى انقبض قالى متخافيش انا حجيب اكل جاهز
قولتله يااااااااادى العيبه جوز سوسو ميدو يشترى اكل من بره لصحابه ابدددددددددددددددا
سيبها على الله ثم عليا
قالى مش حتلحقى
قولتله اتطمن ياعم الحج
الساعه كانت 9
وهما جايين 4
جررررررريت على المطبخ عشان اطلع العده
طلعت الفراخ تفك هى واللحمه
وكنت مجهزه انى اعمل محشى كرنب قولت ينفع
وكان عندى تشيز كيك قولت ياسلام سلم
وحطيت المنيو فى دماغى
*فراخ مشويه وتحتها بطاطس
*لحمه صوانى بالبصل
*سمبوسه بالبسطرمه والجبن الرومى
*محشى كرنب
*سلطه خضره
*تشيز كيك
*كيك البسيمه
وشاى بقه وحاجه ساقعه
حلو كده ندخل على التفاصيل
دى طريقه صينيه اللحمه
بصل وفلفل وطماطم جوانح وتقلبيهم مع ملح وفلفل اسود
وتحطى اللحمه تكون ترانشات
مع معلقه سمن او بدون اللى يعجبك
وكوبايتين ميا
تحطيها على النار من فوق
ولما تشرب ميتها دخليها الفرن تستوى وتاخد وش تحمير
ودى الطريقه بالتفصيل
خلصت اللحمه
والفراخ فكت كنت جهزت التتبيله
ميه بصل وزبادى كل فرخه علبه زبادى
و2 طماطم مبشوره وملح وفلفل اسود وزنجبيل والمره دى فتحت حبيتين حبهان ونزلت اللى فيهم فى التتبيله اضافو ريحه واووووووووووووو بجد
ونقعت الفراخ على ما جهزت باقى الاكل
وطبعا انا بشيل الفراخ نظيفه جدددددددددددددا وده لينك لموضوعى بيبين اذاى نوفر وقت وتكون حاجتنا جاهزه دايما
تعالى نرتب احتياجات بيتنا ونتصدى لاى عزومات مفاجاه مع افكار ليوم التوفير وبالصورررر
https://fatakat.univanet.com/#2218782
ودخلتهم الفرن وعملت عجينه السمبوسه عشان تلحق ترتاح
ودى 2كوب دقيق على بيضه و3 معالق زيت وذره ملح ومعلقه شاى سكر
واعجنيهم بماء دافى
وسيبيها ترتاح على الاقل نص ساعه
وتفرديها وتحشيها ذى ما انتى عايزه
انا عملتها بالبسطرمه والجبنه التركى
دى طريقتها
وطبعا الصور النهائيه فى الاخر
وده المحشى الكرنب كنت مجهزاه على اساس نطبخه عادى
بس كل لئمه بتنادى صاحبها
معلش مصورتش الحشوه
دى عباره عن رز مغسول
وعليه خضره محشى
وطماطم مبشوره وفلفل وبصل مبشور وملح وفلفل اسود
وزيت
هنا حشيت الحله وبعدها بدوب معلقتين صلصه بالميا وارشها على الوش
ومعاها معلقه سمن بلدى ممممممممممممممم
وبدات اجهز الحلو
على الحظ كنت عامله تشيز كيك قبلها بس طبعا نصيبهم بجد
فكرت وعملت كيك البسيمه
ودى 2 كوب جوز هند على كوب دقيق وكوب لبن و2 معلقه كبيره سمن بلدى و3 معالق سكر
ومعلقتين شاى بيكنج بودر وفانيليا واعجنيهم
وحطيها فى صينيه مدهونه على 180 درجه
واول ما تطلع تكونى مجهزه الشربات سااااااااخن وحطيها على طول بجد هشه جددددددددددددددددا
و
انتظروووووووووووووووووووووووووووووونى اللى جاى احلى
مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره