بسم الله والصلاه والسلام علي رسول الله اشرف الخلق صل الله عليه وسلم.
هقولكم ايه القصه يمكن حد يستفاد الفتره الي فاتت حسيت ان انا وجوزي بعد مكنا متجوزين بعد قصه حب اكتر من سبع سنين ومشاكل كتير عشان نبقي مع بعض بقي دلوقت في خلافااااات ربنا العالم بيها وكنا قررننا الانفصال فقولنا قبل منخسر بعض اننا نعمل معهده صلح وكل واحد فينا يحاول يرضي التاني وميزعلوش عشان ملناش غير بعض وننسي كل الي فات كأننا لسه عرسان لان كل وحده فينا لو قررتت تكره جوزها هتلاقي الف سبب انها تزعل منه وبرضو لو دورت ودعبثت شويه هتلاقي مليون حاجه تحببها مع ان حاجه ولا اتنين يكفو تعيشي عشانها يمكن حنين يمكن عيالك اي حاجه كفايه رغي ونبداء يلاه.
العزووووووووووومه بتاعتي لجوزي ربنا يخلهولي لوحده.
الطريق لقلب الراجل معدته نسيت اقولكم
اول حاجه فراخ مشويه
المكونات الي بتبل بيها الفراخ بصل وفلفل اخضر وطماطمايه وكام فص توم وخل ابيض وخل تفاح التوابل الي بستعملها ورق لورا – حبهان – قرنفل – سكر- وكمون – وفلفل اسمر – توم بودر – بربكيا – كركم – ملح – بهارات للشوي – بردقوش – جنزبيل – زعتر من كل حاجه في دول معلقه صغيره.
ناخد كل المكونات دي ونضربها بلخلاط.
ودا شكلهاااا بعد مضربتها كويس.
نكون غسلين الفرخه كويس بملح وخل ودقيق كويس وفتحين مبين الجلد واللحم بصوابعنا كويس ونحشي الخلطه من جوه وبرا وتحت الجلد .
نسبها تتبل كام ساعه وممكن قبلها بيوم ونغطي عليها كويس او نحطها في كيس.
بعد مسبناها في التتبيله نحطها في الشوايه والي معندهاش تحطها في ازازه حاجه ساقعه وتملي الازازاه مايه وتحطها في صنيه واقفه وندخلها الفرن نفس النتيجه ومتخفوش مش هيحصل حاجه ابدا ولا هتتكسر الازازه.
سبناها تتشوي وجهزت عجينه العشر دقايق هعمل بيتزا صغيره ودي المكونات بتاعتها طماطم زتون جبنه موتزرلاا فلفل الوان وكنت عامله لنشون فراخ في البيت وخدت منه شويه وزعتر وسمسم .
فردت العجينه وقطعتها من النص بلشكل دا.
دهنتها كتشب وبعدين حطيط كل حاجه علي الوش.
حطيط الزعتر والسمسم بلشكل دا.
جهزت العيش دا بنفس العجينه وفردته وحطيت علي الوش كمون وسمسم وسبتها تخمر
الفراخ كانت جهزت طلعتها من الشوايه وحطيت البيتزا.
هي كدا جاهزه ع الاكل بس قلت اشويها علي الفحم بتدي طعم تحفه كأنها من برا.
نحطها تتشوي علي الفحم والي معندهاش شوايه بتاخد فحمتين في ورقه فويل تحطهم جمب الفراخ وتحطيها علي البوتوجاز.
حضرت سلطه طحينه والعيش والجبنه القديمه وسلطه خضرا.
دا شكل العيش من قريب حطيته في اقلايا وحطيت عليه زيت يتحمر من فوق وتحت.
وعملت رز بلجزر والبطاطس وحطيت حوالين الطبق فاهيتا وبعدين عملت مكرونه حمره بالزتون.
كدا خلصت وعملت عصير وتمر بلبن عشان امبارح كان الاتنين يعني صيام.
مواضيع هذا القسم برعاية
لولوه الشعنونه لولوه الشعنونه 658279_2.gif فتكات غالية قوي Fatakat 658279 ابوظبي – الامارات