ورجعنالكم بعد الفاصل والمفروض انكم كنتم بتصلوا فيه على النبى
ونقول تانى حاجة الفراخ
نجيب الفراخ نغسلها كويس ونتبلها من قبل بليلة
بعد كده نتبلها بالاتى
ونقول على التتبيلة وهى(بصل -طماطم-خل-زيت زيتون-ليمون-زبادى-ملح-فلفل-كمون-زعتر-زنجبيل-جوزة الطيب-لومى او ليمون مجفف-جزر مبشور-عسل ابيض-بابريكا)
وكله هوووووووب على الخلاط
وهووووب على الفراخ
وبعدين تبات فى التلاجة وتانى يوم نجهز صينية وفيها بصل وجزر وبطاطس مقطع وعليها ملح وفلفل وكمون
ونرص عليه الفراخ
وتدخل الفرن وبعد ما تستوى ده شكلها
وتقدم ممممممممممم تحفة
نيجى بقى للحمة انا غليت ميه وحطيت فيها اللحمة وفلفل وورق لورى وبصل وقرنفل وطماطم وحبهان وقرب السوى حطيت الملح
وبعد ما استوت طلعتها على صينية وحطيت عليها من خلطة الصلصة بتاع الكفتة انا نسيت اقولكم عليها هقول عليها بعد اللحمة على طول انا قصدى على خلطة الصلصة
ده شكل اللحمة وعليها خلطة الطماطم
وبعدين نحط رشة عسل ابيض بسيط ونسيبها شوية وبعدين ندخلها تحت الشواية وتقدم
نيجى بقى لخلطة الصلصة عبارة عن توم يشوح شوية فى حبة زيت وننزل عليه بعصير الطماطم وعليه فلفل اسود وزعتر ملح بسيط يغلى غلوتين يعنى تتسبك بس مش قوى وتتحط على الكفتة واللحمة قبل ما يدخلو الفرن ودى الصور
ومكملين بس بعد فاصل قصير وياريت نستغفر 100 مرة لحد ما نرجع من الفاصل فاصل ونواصل اوعوا تروحو فى اى حتة
مواضيع هذا القسم برعاية
ملك شويقة ملك شويقة images/avatars/peppers.jpg فتكات متميزة Fatakat 615894 المنصورة – مصر