كل سنة وانتم طيبين ورمضان كريم عليكم كلكم يارب
انا هدخل فى الموضوع علاطول وزى العنوان ما بيقول كده انا عاملة عزومة بكرة لأهل جوزى ان شاء الله ودى اول مرة اعزمهم رمضان الى فات استعبت وقلت انى عروسة لكن السنة دى كان لازم واتفقنا انها هتبقى عزومة سمك
واسئلتى كتير معلش عشان انا اصلا مليش فى الاسماك واول مرة اجرب حاجة فى عزومة والعدد ما شاء الله 25 فرد وفيهم اطفال كتير ما شاء الله
هاقولكم المنيو وقولولى اعمل الحاجات الى فيه ازاى ومن غير ما تنشف او تبوظ منى لأنهم اكيلة ومش اى حاجة بتعجبهم ونفسى اوى ينبسطوا
وخايفة بجد
المشروبات:
خشاف + تمر + كركديه + ليمون بالنعناع (لبعد الاكل وعندى شربات نعناع مركز احط منه اد ايه يعنى حد يقولى على المقادير بالظبط )+ وممكن كمان اى عصير تانى بس محددتش ايه + حاجة ساقعة وشاى وكده
الاكل:
سمكتين قشر بياض سنجارى فى الفرن (معملتهمش قبل كده)
سمك بورى مشوى بعددهم وده من عند الراجل
جمبرى مشوى
جمبرى مقلى (عملته قبل كده ونشف منى )
كاليمارى مقلى ( عملته قبل كده وطلع بيشد اوى)
فيليه (مش عارفة اعمله مشوى ولا مقلى ومعملتوش قبل كده )
شوربة سى فود (عملتها قبل كده عجبتنى ومعجبتش جوزى )
ورز سمك طبعا ( بس اعمل كمية اد ايه للعدد ده كيلو ونص مثلا ولا ايه؟)
الحلو: وهاحضره كله بليل برده قولولى الى ينفع وايه لأ؟
كنافة (هاعملها بطريقة عضوة اسمها مراميرو عجبتنى اوى باللبن المحلى وسهلة )
قطايف بالقشطة ( ينفع اعملها قبلها بيوم ولا تنشف ماما بتقولى القطايف بالذات لازم يومها )
جيلى عشان الاطفال
ام على
بسبوسة ( عملتها قبل كده بس نشفت منى فى الفرن ومش عارفة ليه يعنى من تحت ناشفة ومن جوه طرية؟؟ )
وطبعا هاقدم كمان اى حلو يجوا بيه
انا قلت اكيد هتنصفونى بقى لأنى اتشمللت وعملت فيها شيف وقلت لزوجى انا هامعل كله هنا هما جايين ياكلوا فى البيت ولا من برة وهو اصلا مش بيعجبه حاجة بسهولة ومحسسنى انى هاعك الدنيا وضايقنى اوى ظبطونى بقى
طبعا مش هوصيكم اى وصفة تبقى بالنفصيل المقادير والوقت وياريت محدش يطنششنى الى تشوف وممتردش هاعرف عنوانها وهاقولم يروحوا ياكلوا هناك مواضيع هذا القسم برعاية
orkedia orkedia 431620_4.gif فتكات هايلة Fatakat 431620 القاهرة – مصر