السلام عليكم و رحمة الله وبركاتة
الاسبوع اللى فات كان عندى عزومة
يلا اسيبكم مع الصور
اول حاجة صورة لرصت الاطباق
و دى صورة للسفرة كاملة
صورة اقرب
دول صورة لكل صنف مع شرح الطريقة
تبتلها بزبادى+ماية بصلة كبيرة+ بهارات فراخ+ملعقة صغيرة صويا صوص+ملعقة صغيرة اورشستير صوص+ملعقة صغيرة صلصة طماطم+ملح و فلفل
سبتها فى التتبيلة من بلليل للصبح
وقت الطبخ طلعتها من التلاجة و رصتها فى صيينة و على الوش حطيت بصيت خالص زيت زيتون و دخلتها الفرن تستوى و لما استوت ولعت فحمة و حطيتها فى بولة و حطيت البولة فى الصينية و غطيت الصينية كويس لمدة 10 دقاايق و يا سلام ع الريحة الحلوة و قدمتها و زينت الطبق بشيبسى و بقدونس مفروم بسيط اوى
دى بقى رولات جلاش بالسوسيس
لفة جلاش_سمنة سايحة_سوسيس و استخدمت نوع اسمو اطياب حلو اوووى بجد بس هو كبير شوية قسمتة اتنين
حناخد 3 ورقات جلاش و حندهن بين كل ورقة و التانية سمنة سايحة لحد ما تعمل 3 ورقات و بعدين ناخد السوسيس نحطة ع ورقات الجلاش و نلف بشكل رول
و نرصهم فى صينية و ندهن الوش سمنة بسيط و نجهز كوباية للبن مدوب فيها ملح و فلفل بسيط اووى و نصبها ع الجلاش و ندخلها الفرن لحد ما تستوى و بس كدا
شيك جداا و مش مكلف و فى نفس الوقت شكلو حلو اووى ع السفرة كنوع مقبلات و بجد ابهرتهم جداا الحمدلله
بطاطس جراتان
4 حبات بطاطس متوسطين+بصلة متوسطة مفرومة بس مش فرم ناعم يكون متوسط+كوب للبن حليب+كوب كريمة طهى+ملح و فلفل +نصف ملعقة صغيرة ثوم بورد+جبنة موتزارلا
شوحت البصل فى حتت زبدة و معلقة زيت زيتون لحد ما تدبل
قطعت البطاطس حلقات و بعدين حطيتها ع البصل و قلبت لحد ما البطاطس شرب كل الزبدة اللى فى الطاسة و اخطلتت كويس مع البصل
فى قالب بايركس رصيت البطاطس كلها بالبصل بتاعها و صبيت فوقها كوباية اللبن و غطيتها بورق فويل و دخلتها الفرن
فى نفس الطاسة اللى شوحت فى البصلة حطيت كوباية الكريمة و عليها الثوم البودر و على نار هادية لحد ما بدأت الكريمة تغلى طفيت النار علطول فى الوقت دا طلعت البطاطس من الفرن و كانت نص سوى صبيت فوقها الكريمة و الجبنة و بقدونس مفروم بسيط اوووى و دحلتها الفرن تانى تكمل سوى و تحمر لحد ما تاخد لون دهبى فاتح
رز بسمتى بالكارى
2 كوب رز بسمتى و ممكن نستخدم رز مصرى
3 و نص كوب ماء
ملعقة صغيرة كارى و رشة كركم و طبعا الملح
قطعة زبدة صغيرة
فى الحلة حطيت الزبدة لحد ما ساحت و نزلت عليها بالرز و الكارى و قلبت شوية لحد ما اخطلت كويس وبعدين ضفت الماية و الملح و سيبتة يستوى ع نار هادية زى اى رز
اخر حاجة السلطة .. اللى برضو بفضل الله ابهرتهم جداا و عجبتهم اووى الحمدلله
مكوناتها
علبة ذرة+علبة فاصوليا حمرا+جزر مبشور+كرنب سلطة +طماطم مقطعة مكعبات و ممكن نحط فلفل ملون بس انا محطيتش
الصوص(ملعقتين كبار مايونيز+ملعقة كبيرة مستردة+ملعقة كبيرة كاتشب+ملعقة صغيرة زيت زيتون+نصف لليمون+رشة ملح و فلفل اسود
نقلب كل مكونات السلطة فى بولة عميقة و فى بولة تانية نخلط مكونات الصوص و نحطة ع السلطة و نقلب كويس اوووووووووى اوووى و نزيها بالخيار و ممكن اى تزين
بس كدا و الحلو كان كريم كراميل بس نسيت اصورة
متنسوش التقيم يا بنات
مواضيع هذا القسم برعاية
princess shahy princess shahy 370665_16.gif فتكات هايلة Fatakat 370665 جوة عيون حبيبى – قلب حبيبى