السلام عليكم ورحمه الله وبركاته
ازيكوا يا احلى فتوكات
انا ملاحظه حاجه وأكيد كتير منكو برده ملاحظينها
ان القسم هنا بقا كله تجمعات فقط
تجمع متاخرات
تجمع حوامل جديد
تجمع مغتربات
تجمع حقن مجهرى
تجمع اللى على وش ولاده
تجمع اللى ولدوا
تجمع الحوامل فى الطفل التانى
كلللل ده
مش مشكله على فكره
علشان محدش يزعل منى
بس انا الاول كنت كل ما أدخل صحه المرأه
كنت الاقى مواضيع كتير ونصايح
وتجارب من ناس كاتبينها
وكنت بستفاد كتير
يعنى كل يوم كنت بقرالى مش اقل من خمس ست مواضيع
افهم بيهم معلومه جديده …
تحذير من دواء معين …
تجربه واحده وزاى حملت وكده …
دلوقتى مفيش الكلام ده
انا مش بقول نلغى التجمعات
ولا انا ضدها
بالعكس
انا فى يوم من الايام كنت مشتركه فى جروب المتأخرات
وفى كتير منكوا يعرفونى
وكنت بستفاد كتير منه
لكن دلوقتى علشان ادخل اجيب معلومه من وسط جروب
حقلب يجى 10 صفحات ويمكن اكتر
على ما اوصل لمعلومه واحده
انا عارفه انى رغيت كتير
وزمانكوا بتقولوا طيب انتى عاوزه ايه دلوقتى ؟؟
انا بس بقترح اقتراح صغير
ان اى واحده شايفه ان فى معلومه ممكن تفيدنا
او عندها موضوع جديد
تنزله لوحده
يعنى لو حصل حاجه لواحده وقالتها فى تجمع مثلا
وحاسه انها حاجه مفيده ومهمه
ممكن تنزلها لوحدها فى موضوع برده
بحيث اللى مش فى التجمع يقراها
يعنى حتى مثلا الزائرات اللى بيدخلوا المدونة
يلاقوا مواضيع مفيده
مش بس تجمعات
لان التجمعات عباره عن شات وناس متصاحبين وليهم نفس الظروف
سواء حقن مجهرى او متاخرات او حوامل او ولدوا
يعنى من الاخر كده عايزين نعمل ريفرش للمواضيع
ونكتب حاجات ممكن تفيد كل الفتوكات
اللى مش بيدخلوا تجمع او بيكتبوا فيه
يارب اكون قدرت اوصلكوا وجهه نظرى
وانا عارفه ان هنا كلنا قلبنا على قلب بعض
ومحدش بيبخل باى معلومه على حد
علشان كده طلبت منكوا الطلب ده
وشكراااا مقدمااااا
وارجوا منكو الدعاء ان ربنا يرزقنى الذريه الصالحه
ربى لاتذرنى فردا وانت خير الوارثين
لووليتا لووليتا 163058_19.gif فتكات ست الكل Fatakat 163058 بلاد الحرمين – السعوووووووووديه