بسم الله الرحمن الرحيم
ازيكم يا فتوكات
اتعودت ادخل فتكات بصمت واطلع بدون ما اشارك >>> عروسه جديدة و مصدومه من مسؤوليات الزواج وهمومه
أنا عروسة جديدة عهد بالزواج ليا ثلاثة شهور وأسبوع تقريبا
و أم زوجي من أول شهر زواج تسأل زوجي العروسة حامل ولا لسا !!!!
وامبارح بتقوله اعرضها على طبيبة نساء وولادة ..
انا من قبل الزواج عندي تكيس مبايض
عام 2024 عملت تحاليل وأشعه عشان كان ( وما زال ) شعر جسمي كثيف >> جوزي أحيانا يهزر معايا يقولي انتي بتنفسيني في الرجولة ولا ايه
اشيله بالحلاوة يطلعلي ثاااااني يوم وتحت كل بداية شعره حبه وحاجه متعبة وسميك .. المهم مش دا موضوعنا دلوقتي
عملت تحاليل عام 2024 في مركز طبيبي
هرمون LH كان 7.23 وهما كاتبين ان الطبيعي 24-105
هرمون FSH كان 5.35 وهما كاتبين ان الطبيعي 5-22
هرمون DHEA-S كان 176.1 وهما كاتبين الطبيعي للستات أكبر من 16 سنة 300
والسكر 86 طبيعي مافيهوش مشاكل
هرمون الذكورة Testosterone كان 0.08 والطبيعي 0.25-0.95 يعني منخفض جدا جدا
هرمون الحليب نسبته عندي 28.35 يعني مرتفع شويه عن الطبيعي 1.39-24.2
الأشعة وبينت ان حجم البويضه الشمال 26* 31 و اليمين 27*30 والسماكة مكتوب 4 mm
التحاليل عملتها و أنا عليا الدورة اعتقد ثاني يوم افتكر حاجه زي كدا والأشعة ناسيه عملتها وقت الدورة ولا بعدها بأسبوع
المهم الدكتورة اعطتني دوا اسمه جلوفاك 500 أخذه مرتين في الاسبوع
ودواء تاني اسمه أندركور 50 وانا صراحه ما انتظمت عليه استخدمت منه حبتين وتركته وبعدها وزني زاد بسرعه رهيبة وشعري تساقط جدا وشعر جسمي زاد عن حده وجاني اكتئاب حاد ..
انا تركته لاني خوفت منه .. الكلام دا قبل الزواج عام 2024
انا دلوقتي عروسه متزوجه لي 3 شهور وأم زوجي مش سيباني في حالي عايزاني أحمل ازاي احمل وانا بحالي دا
فكرت ارجع اخذ اندركور وجلوفاك لكن ناسيه طريقته ازاي وعندي أسئلة عايزة اهل التجربة والخبره ينصحوني اعمل ايه ولو فيه دكتورة شاطره هنا تساعدني ادعيلها من قلبي
1- اندركور 50 قالتلي الدكتورة اخذه ثاني يوم من الدورة واستمر عليه عشرة أيام فقط وهكذا كل شهر لمدة 6 شهور وصراحه مش قادره افهم العبارة دي هل المقصود منها استنى لما تنزل الدورة الشهرية وتاني يوم أبدأ أخذ الدواء وانا عندي الدورة دي ولا أستنى الدورة دي تخلص خالص السبعة أيام كاملة وبعدها استنى يومين و أبدأ أخد الدواء دا ؟
2- أزاي اعرف نوع التكيس اللي عندي هل هو شديد ميؤس منه ولا متوسط ولا ايه
3- هل احتاج اعيد التحاليل دي تااااااااني والأشعة وصراحه كلفتني فوق 3000 ريال وحالتي المادية دلوقتي ما تكملش 500 ريال أعمل ايه ..
4- هرمون الذكورة عندي منخفض جدا أقل من نسبته عند الأموات أعمل ايه وإيه أضرار انخفاضه الشديد دا وهل يأثر على العلاقة الزوجيه وعلى الحمل ؟
أنا عايشه بعيد عن أهلي خالص هما في بلد و أنا في بلد ومحرجه اروح مع زوجي مستشفى قولولي أعمل ايه
ربنا اللي عالم بالحزن اللي في قلبي قد ايه .
عربكو عربكو فتكات متميزة Fatakat 679549 القصيم- المدينة المنورة – السعودية