السلام عليكم يااحلى فتوكات فى الدنيا
كنت عايزة افضفض معاكم شوية عن حياتى لانى سعات باحس ان انا منهارة ونفسيتى تعبانة
انا متجوزة بقالى سنة ونص وكنت حملت بعد جوازى بشهرين بس كان الحمل فيه مشاكل من اول شهر والدكتور كان بيدينى مثبتات وعشان البيبى يثبت وكدة بس الحمد لله محصلش نصيب وادانى ميزوتاك عشان ينضف الرحم
وبقيتاتابع معاه وروحت لاكتر من دكتور بعدها منهم اللى قالى سببه نقص هرمون البروجيسترون واللى كان المفروض اخده فى ميعاد الدورة لو هى اتاخرت ودكتور تانى طلب منى تحاليل كتيير عملتها والحمد لله طلعت سليمة كلها وجوزى بردو عمل تحليل والحمد لله سليم وبعدين روحت لدكتورة تالتة قالتلى المبيض ضعيف وادتنى منشط والغباء بتاعها ان انا بعد ماخدت المنشط حملت فى نفس الشهر ودا كان بعد خمس شهور من الحمل الاول وكنت عندها قبل ميعاد الدورة وعملتلى سونار مهبلى وقالتلى ودا طبعا من غباءها المنشط ماجبش نتيجة واستنيت لحد ميعاد الدورة وماجاتش عملت اختبار طلعت حامل بس المفاجاة ان انا حملت فى كيس بسسسسسسس ومافيش جنين وطبعا اخدت ميزوتاك اللى كان باقى عندى من الحمل اللى فات والحمدلله لحد دلوقت ماحصلش حمل تانى وانا كنت بتابع مع الدكتور وقالى كل حاجة عندك كويسة المبايض شغالة ونشيطة وطبعا البريود منتظمة والحمد لله
اللى قلقنى بقى ان الدكتور قالى استنى كمان شهرين لحد ماتكملى سنة من بعد اخر حمل وبعدها هاعملك ااشعة بالصبغة او هاديكى منشطات مع ان التبويض عندى كويس جدا والحمد لله ومن ساعة ماقالى اشعة بالصبغة وانا مرعوووووووووووبة ومش عايزة اروح لدكاترة تانى واسيبها على ربنا
ممكن تفيدونى يافتوكات عشان اقرر اعمل ايه فى الموضوع دة مع العلم ان انا عندى 20 سنة ولفيت كتييييييييير عالدكاترة وتعبت بجد وحماتى عايزانى اروح عند دكاترة تانين وانا خلاااااااااص تعبت من الكشف والسونار والارف دة وبجد نفسيتى تعبت جدا وحاسةان انا مش مظبوطة ساعدونى وافيدونى وربنا يكرمكم ويرزق كل مشتاقة بالذريةالصالحة
meroooze meroooze 579826_1.gif فتكات نشيطة Fatakat 579826 القاهرة – مصر