ازيكم يا بنات ويا ستات
نقول ازيكم يا فتوكات وخلاص
كام واحدة مننا قاعدة فى البيت وبتكسل تعمل رياضة؟
كام واحدة جابت المشاية وماستخدمتهاش ؟
كام واحدة مننا راحت يومين الجيم وبعدها كسلت؟
كام واحدة مننا قالت انها كل يوم حتعمل رياضة وزهقت بسرعة
حتى اللى بيشتغلوا..كام واحدة شغلها مكتب ومش بتلاقى وقت تعمل فيه أى حركة وبقا عندها بطن وبدأ يظهرلها السليوليت
احنا مش حنعمل أى افتكاسات يا جماعة
كل اللى حنعمله اننا حنتجمع سوى كل يوم ونكون متفقين على تمرين معين (طبعاً حنجيبه من فيديوهات الخبراء على يوتيوب ) وكلنا نعمله فى اليوم ده
ولو قدرنا نظبط الساعة كمان مع بعض يبقى هايل بس ممكن يكون صعب لاختلاف ظروف كل واحدة فينا
المهم اننا كل يوم حنتبادل التجارب مع بعض وكل واحدة تقول عملت ايه وحست بإيه
واعتقد ان اللى بيخلينا دايماً نكسل اننا بنحس بالزهق واننا لوحدنا
لكن دلوقتى حنشجع بعضنا و حنبقى جروب وحنسمى نفسنا
جروب اللياقة
لاننا ممكن مانبقاش تخان أوى لكن ناقصنا لياقة بدنية وكل ده حنوصله مع بعض ان شاء الله
عايزة فى الأول أعرف مين معايا عشان اعرف حنبدأ من امتى وياريت كل واحدة تدخل تعرفنا على نفسها عشان تاخد كارنيه العضوية فى الجروب
وماتنسيش تقوليلنا عايزة تعملى رياضة ليه بالظبط
أسماء عضوات الجروب
Mero_2016
أم عبيد وعمير (هبة)
Flasha
بوبو واوكة
الشهد الملكى
zena abdo
om asser isa
النصحة
RaniaH
أم عمير المصرية
ترنيمة الحب
أول تمرين بعد تعارف العضوات على بعض حتلاقوه فى صفحة 5 للتسهيل عليكم
Tweety_sasso Tweety_sasso 221753_1.gif فتكات رائعة Fatakat 221753 الاسكندرية – مصر