السلام عليكم ورحمة الله وبركاته
ازيكم يا بنات
زي ما العنوان بيقول
عاوزه تخسي بسرعه
طبعا كل اللي داخل الموضوع
هيقول ايوه يا ريت
طيب الاول قبل ما اقول حاجه محدش يزعل مني
انا زيكم عاوزه اخس بسرعه
و بقالي 6 شهور بعمل دايت
مره كيميكال
ومره منخفض السعرات
ومره تقليل اكل وجيم
ومره كده ومره كده
المهم انا بدأت بوزن 110 كيلو من 6 شهور
انا بقي دلوقت
112
عرفتوا بقي انا عاوزه اقول ايه
انا من 6 شهور وانا مستعجله عشان اخس
لو كنت اعتدلت مش في الاكل لا في الدايت
كان زماني خسيت اقله 15 كيلو
لكن عشان مش بمشي علي دايت صحي حتي لو الفتره طالت
النتيجه هي زيادة وزني
عاوزه اقولكم
ليه بنستعجل نخس مع اننا اخدنا راحتنا اوي في التخن وزيادة الوزن
انا مش عاوزه حد يكون داخل الموضوع علي انه فيه حل سحري للتخسيس
يزعل مني
بس كل حاجه لازم تاخد وقتها
ولا انتوا مش معايا
نوسه ننوسه نوسه ننوسه فتكات متميزة Fatakat 27752 دنيا – والسلام