السلام عليكم ورحمة الله وبركاته
صباح الخيرات والانوار علي احلي صحبة واخوات
انا عندي سمك بطلي كبير كان جوزي جايبه امبارح بالليل فتحته من الضهر زي الكف كده ياقمرات ونضفته وشلته بالفريزر
اعمله ازاي يابنات بس بطريقة جديده او افتكاسه عشان مش بحب اعمل كل مرة الحاجة بنفس الطريقة خصوصا اني مقيمة في بلد ساحلية يعني معظم اكلنا بيكون اسماك
انا عملته قبل كده مشوي بفرن البوتجاز وكنت حشيته فلفل اخضر وطماطم وطبعا توم وكمون وملح وكسبرة ورشة ليمون بس معجبنيش لانه كان طالع طري مش ناشف واحنا بنبة ناشف
وكان كمان ولا منه محصل مشوي ولا مقلي وكنت حطتله حبه زيت في الصينية وشرب من الزيت
معلش يابنات ممكن تفيدوني كمان اعمل ايه اضافات جنبه سلطة طحينة ولا سلطة خضرا افضل ولا ممكن سلطة بتنجان وهو لازم ارز جنبه بصراحة كل يوم رز رز لما زهقت جوزي بيحب الارز مينفع جنبة مثلا مكرونة
معلش يابنات عارفة طولت عليكو بس انا مليش غيركو تفيدوني وتساعدوني في الموضوع ده ربنا يباركلكو ويحققلكم مبتغاكم في الدنيا والاخرة
اترككم في امان ورعايته حبيباتي في الله
مواضيع هذا القسم برعاية
سومه المجنونة سومه المجنونة 964007_9.gif فتكات ست الكل Fatakat 964007 حضن حبايبي سومه&عمرو – ملكوت الله