ازيكم يا حبايبي
عارفة ان كلنا مشغولين ومش قادرين نفكر في حاجة غير موضوع مصر
بس والله غصب عني محتاجة مساعدتكم واستشارتكم ضروري
عندي بنت بنت عمي عمرها 8 سنوات ومن يوم ما اتولدت وهي حجمها صغير جدا غير باقي الاطفال
حتي التطور بتاع النمو بتاعها غير في كل شئ حتي هي بتلبس بامبرز لحد دلوقت
ومش بتتكلم اوي وراسها دايما بتتهز وحجمها قليل جدا كل اللي يشوفها يديها بالكتير 3 سنين
طبعا مامتها لاحظت ولفت عليها دكاترة في كل حتة في القاهرة والاسكندرية وكلهم يعملوا تحليل كروموسومات تطلع طبيعي
وحاجات من دي كتير المهم ربنا يجازيه بقي الدكتور عملها اشاعة علي المخ من سنة 2024 وقالها المخ طبيعي مفيهوش اي حاجة
فهي ما اخدتش ببالها وبقت تتعامل معاها علي انها متاخرة طبيعي وودوها لدكتور تخاطب بس مفيش اي تقدم
من كام يوم ودوها لدكتور تاني لان لقوا مفيش اي تقدم خالص
الدكتور شاف الاشعة قالها بنتك عندها ضمور في المخ ومية علي المخ
ازاي كل دة وما اكتشفتوش فهي اتصدمت وقالها لازم نعمل اشعة جديدة عشان نشوف المية بتزيد ولا لا لو زي ما هي مفيش قلق
اما لو زادت لازم تدخل جراحي لشفط المية دي فهي يا حبيبتي اترعبت ورجعت منهارة وبتعيط وتقول اللهم لا اعتراض بس انا
مش عايزة بنتي تموت تفضل متاخرة ومتخلفة كدة مش مشكلة بس اشوفها دايما قدامي فهي عايزة تعرف لو لا قدر الله المية زادت
واحتاجت جراحة هل الجراحة بتنجح ولا لا قدر الله بتفشل والطفلة تموت ؟؟؟
ارجوكم تفيدوني وتردوا عليا عشان اطمنها
ربنا يباركلكم يارب اللي تعرف اي معلومة ما تبخلش عليا[/center]
(Lara) (Lara) 265722_27.gif فتكات غالية قوي Fatakat 265722 الرياض – السعودية