اخواتي حبيت انبهكم وانقل كلام الدكتورة حتى لو احتمال ضعيف برضه لازم ننتبه انا عندي التهاب في الجيوب الانفيه وزكام مش بقدر اتنفس الا لما اخد بخاخ اتريفين او نقط اتريفين في الانف
بس سألت دكتورة هل لها خطورة على البيبي ؟؟
فقالتلي بالنص هي مشكلتها انها بتقفل الأوعية الدموية فممكن تقفل الأوعية بتاعة الرحم وده احتمال ضعيف .
فسألتها يعني ايه المشكله طيب مش فاهمة
فقالتلي يعني لو أثرت على الرحم فعلا بيقل الدم والأوكسجين والغذاء الواصل للجنين
بتقول ده نادر بس عن نفسي قلت بلاها اضمن مش ناقصين يا جماعه بعد التعب ده كله نيجي على الاخر ونعك الدنيا وقالتلي في نقط تانية مضمونة ميه في الميه ومش بتقفل الاوعية الدموية اسمها Allergodyl
ياريت الي جربت اتريفين في الحمل تطمنا والي جربت النوع التاني الي هي قايلالي عليه ده تقولي برضه
لا تنسوني من الدعاء ان ربنا يكمل حملي على خير واقوم بالسلامة انا والبيبي وربنا يستر ومتكونش لها تأثير لاني لي ثلاث ايام وعماله احط في انفي منها الله يستر
أم عمر 2024 أم عمر 2024 فتكات نشيطة Fatakat 1177090 ابو ظبي – الامارات