السلام عليكم يا فتوكات
انا كانت خطوبتى المفروض يوم 28 اللى فات ووالدى توفى قبل الخطوبة ب 10 ايام وكنت حاجزة فى قاعة وحاجزة الفستان و الكوافير وكل حاجة ولما جينا نلغى طبعا القاعة اخدت 1000 جنيه مارضوش ابدا ينزلوا وكنت حاجزة فى الكوافير ب 50 جنيه قالتلى تعالى اعملى بيهم اى حاجة قلت ماشى دى محلولة جه بقى الاتيليه دة ناس بجددددددددددد مالهومش حق اولا لما جيت احجز الفستان كان ب 500 جنيه مارضوش انى احجز غير ب 200 جنيه مارضوش ابدا باقل من كدة مع ان المفروض مش اكتر من 50 جنيه المهم روحت انا وخطيبى عشان نرجع الفلوس او جتى جزء منها مارضوش ابدا والبنات اللى واقفين طبعا انتوا عارفينهم بيتعاملوا ازاى نرفزونا انا وخطيبى ومارضوش حتى يرجعولنا 100 جنيه سرقة علنى يعنى وبعدين روحنا لصاحب الاتيليه واتكلمنا معاه وقلناله هنعملكوا محضر قاللنا لو وقفتوا على ايديكوا مش هنرجعلكوا ولا مليم بالعافية لما وافقوا انهم يكتبولنا عليه ايجار مفتوح لمدة سنة قالوا تعالوا اجروا اى فستان والمشكله ان انا قدامى سنتين على ماتجوز يعنى مش هحتاج ااجر فستان خالص خلال السنة وانا عندى فساتين سهرة كتير دة اصلا لو حضرت فرح يعنى
فانا قلت اعمل موضوع يمكن الاقى اكيد واحدة من الفتوكات اللى بتجهز لفرحها ممكن يعجبها هناك فستان هو الاتيليه يا بنات فى الابراهيمية شارع لاجيتيه قدام سنتر مينا اسمه اتيليه ستايل وفيه فساتين خطوبة وفرح الصراحة جمال اوى انا فستان الخطوبة بتاعى كان تحفه وتطريزة ولونه مش وجودين فى اتيليه بجد كان تحفة واخترته بعد مالفيت اسكندرية كلها لونه كان لون الفيانكة اللى فى شعر الصورة دى لخلاص بقى ماتفكرونيش عشان بزعل دة انا حتى جبت الصندل عليه خلاص دافعه فيه 150 جنيه يلا مش مشكلة فياريت يا بنات طلب انسانى منكم يا رب اللى تساعدنى ربنا يذوددلها فرحتها فى فرحها ويتتملها على خير يا رب ومايحصلش معاها اللى حصل معايا الف بعد الشر يا ريت لو واحدة راحت هناك وعجبها فستان فرح او خطوبه تقوللى وانا اروح معاها وتاخد دة مكان بتاعى و يرجعولى فلوسى لاحسن خطيبى والله خسر فلوس كتير فى الموضوع دة كفايه ال 1000 جنيه بتوع القاعة دول قهرانين عليهم بس ماشى دة حقم لانهم حجزوا المكان وعطلوة عشاننا انما الفستان لا مش من حقهم
وادعولى ربنا يعوضللى فرحتى اللى راحت
sapryyyyyn sapryyyyyn فتكات هايلة Fatakat 593780 الاسكندرية – مصر