فتوكاتى الاعزاء ازيكوا
النهارده جيبالكم جزء جديد من حاجاتى يارب ربنا يتمم على خير لكل العرايس يارب ويصلحلهم الاحوال
واللى مخطوبه تتجوز بسرعه بقى واللى لسه ما اتخطبتش تتخطب وتنبسط وتفرح والمتجوزين ربنا يرزقهم الذريه الصالحه
اللهــــــــم آمين
و دى كان لينك الجزء اللى فات فى الرفايع والادوات المنزليه :
طقم الاركوبيركس بتاعى ومضرب البيض بالعجانه وشوية رفايع
تعالوا نشوف الجديد بقى :
================
دا طقم عشا بورسيلين تركى 20 قطعه عباره عن 3 احجام من الاطباق كل حجم مكون من 6 اطباق
و بوله كبيره وسرفيس بيضاوى كبير
دا سعره 340 جنيه
زوووووووووووم على رسمة الطبق
دا السرفيس
طبق من الاطباق المربعه
زوووووووم على رسمة البولة
صورة جماعيه لشوية من الطقم
دى بقى قلاية تيفال سافلون تركى مقاس 24
دى سعرها 117 جنيه
واختارت اللون البتنجانى عجبنى وشيك جدا ما شاء الله لا قوة الا بالله
و لسه كمان عاوزه اجيب واحده مقاس 30 بس مكانش موجود يومها هستناها اما تيجى
خلى بالك يا فتوكه التيفال السافلون الاصلى بيبقى جاى فى علبه زى الصوره اللى فاتت
وتفتحي العلبه تلاقى القلايه او الحله متغلفه فى كيس احمر زى دا كدا
و كمان بيبقى عليها من الخلف الختم بتاعها محفور
Made in Turky
محفور ها خلوا بالكم وعلامة السافلون كمان
دا منخل دقيق
بـ 15 جنيه
و دى عصارة برتقال بلاستيك تركى عجبتنى
بـ 10 جنيه
و دا قلم كدا بيتكتب على التورت بيه قلم سيلكون
بتحطى جواه الكريمه اللى بالشيكولاته مثلا او اى لون تحبيه وتكتبى اى كلام تحبيه على التورته او الكيك
عجبنى جدا علشان سهل التحكم فيه
بـ 5 جنيه
بس خلاص
خلصت حاجات المره دى
ان شاء الله المره الجايه اصورلكم الجديد
وانزلكم موضوع بالصور والاسعار علشان الكل يستفاد بإذن الله
ادعولى يا فتوكات ربنا يقوينى واكمل الجهاز انا وخطيبى احسن مزنوقين جدااااا والاسعار نار فى كل حاجه
وادعولى بتيسير الامور وتسهيلها
ولكم بمثل ما دعوتم لى ان شاء الله
ماتتنسوش التقييم
السلام عليكم
أيام عمرى أيام عمرى 479111_9.gif فتكات ست الكل Fatakat 479111 القاهره – مصر