طريقة عمل عجينة رقاق السمبوسه بالصور,طريقه عمل لف سمبوسة مقلية بالصور
سمبوسة بعجين رقاق صناعة منزلية و بالصور و التفصيل الممل
مبارك عليكم الشهر
جعلنا الله و اياكم من صيامة و قيامة و عتقاءة من النار
*********************
شرايكم ؟؟
قولوا ما شاء الله ……
ترى الرقاق انا مسويته …شغل بيت و سريع
المقادير
زي ما هو باين بالصورة
1) 2 و نص كاس دقيق (هنا 2 و ربع ابيض مع ربع بر)
2) نص بياله شاهي زيت
3) رشة ملح
4) كاس ماء
الطريقة
تخلط المقادير الجافة ثم يضاف الزيت و الماء
يلاحظ ان الماء مضبوط في الشتاء و و جود كمية بر اما اذا قللتي البر او الغيتية او كان الدنيا حر مثل الحين قد لا تحتاجين الكاس كامل بس ماهو اقل من كاس الا ربع
و هذا شكل العجينة …تكون شوي لينة بس ما تلصق بالاصابع
و بعدين اقسم العجينة إلى مثيلتين (كرتين) و احطهم بصينية مدهونة شوي زيت و ادهن وجه العجينة كمان و اغطيها ببلاستيك
(الصورة 4 مثايل لاني كنت مسويه الضعف علشان ارسل لاهلي)
و اجهز الحشوة
طبعا كل واحد على كيفة بس هذي خلطة خالتي
(لحم مفروم و بصل و يضاف لهم اول ما نشيلهم عن النار كرنب مبشور و جزر مبشور , يذبلون من الحرارة …وشوي كزبرة و شبت)
بعد ما ترتاح العجينة من ربع ساعة إلى نص ساعة
اجهز التبسي الخاص بالفرد عندي (تبسي ستيل ) و اقلبة و ادهنة بكمية وافيه من الزيت
و ابدأ بفرد العجينة
للاسف ما قدرت اصور لان الصور صارت ايديني كلها باينة فحذفت الصور
اهم شي اني ابدأ بالضغط على القرص من الحواف اولا حتى لا يكون القرص متين من الحافة ثم ارمية من كف إلى الآخر شوي شوي
و بعد كذا احمل القرص بيد و ابدأ بتمديدة باليد الأخرى
(ملاحظة اذا ما اعرفتي ممكن نفردينة على التبسي مباشرة مع جرة من كل جهه شوي حتى يغطي التبسي )
لاحظي الفرق في رق العجينة بالصورة التالية
اذا حسيت ان حجم القرص مناسب اضعه برفق على التبسي
ثم ابدأ بجر اطرافة لتغطي التبسي كاملا
ثم اقطع الزوائد بالسكين
اقطع العجين بالطول بحيث يكون عرض الشرائح مناسب للسمبوسة اللي انا ابيها و عادة تقريبا يكون
ثم اقسمها بالنص
وتكون عدد الشرائح الطولية من 6 إلى 7 و اذا قسمتها تصير 12 سمبوسة مع 2 على الاجناب يعني 14
او تكون 14 و 2 على الاجناب يعني 16
يعني مثيلتين تكفينا و بزيادة بعد
ثم اضع الحشوة في بداية كل سمبوسة مثل الصور
التقطيع الطولي ثم بالنص
و الآن الحشوة
الآن مهم جدا
طريقه اللف
نبدأ بلف العجينة على اللحشو ….بس علشان تصير ممتازة انتبهي لعدة اشياء
1) ابدا ابدا ما تمسكين العجين الا من الاطراف
اقصد اذا لفيتيها لا تضغطين على العجين فوق الحشوة (حتى لو حسيتي الحشوة بتطيح) علشان لازم يدخل هوا فيها
2) اذا لفيتي العجينة لازم تلفين الطرف اللي فوق للجهة المعاكسة (اذا الطرف الاعلى اللي انتي ماسكتة الحين يمين , لازم تقلبينة للجه اليسار مع تثبيت اصباعك بالجهه الثانيه علشان يكون الشكل ثابت… لاحظي الصورة وهكذا لان هذا بيعطيك سمبوسة اولا فيها شوي هوا و منفوخة و ثانيا بتكون مثلث متساوي الاضلاع و شكلها حلوة )
برضه كان ودي اوضح الصور اكثر بي ما قدرت
يعني اذا قلبت السمبوسة من اليمين إلى اليسار اثبت اصباعي الايسر على الطرف اللي قلبته و بعدين امسك الراس الجديد اللي صار يسار و اقلبه للجه اليمين
و اثبت اصباعي على هذا الجزء الايمن و و اقلب الطرف اللي صار يمين إلى الجهه اليسار و هكذا
طبعا انتم ملاحظين ان القطع الوسطية اطول من الاجناب
و عادة انا احاول تكون كل سمبوسة 5 قلبات (الاولى ثم 4 بعدها)
و اقص الزايد من الشرائح الوسطية
اما الشرايح على الاجناب احيانا تكون 4 قلبات (مو مشكلة)
في النهاية اقوم بحفظ السمبوسة علة صينية مفروشة منشفة او شرشف خاص و مرشوش عليها دقيق
وتغطى بمنشفة لحين القلي
منقول لافائده
كل عام وانتم بخير
رمضان كريم
كل سنه وانتم طيبين
مواضيع هذا القسم برعاية
ام عائشهa ام عائشهa 118572_5.gif فتكات رائعة Fatakat 118572 المدينه المنوره – السعوديه