مساء الخير يا كل فتكوته غاويه شغل المطبخ والطهى السيكم طريقه عمل كفته لذيذه جدا بالباشميل والخضار السوتيه
المقادير:
نصف كيلو لحم مفروم + خضار مشكل زى ما بتحبى حوالى ربع كيلو يعنى مثلا بسله وجزر وفاصوليه او اى خضار بتحبيه + ملح وفلفل وبهارات ولو فى زنجبيل يبقى ممتاز + 2بصله متوسطه الحجم + زبده حسب الاحتياج
الطريقه :
نفرم البصله ونضع عليها الملح والفللفل والبهارات والزنجبيل ونخلطهم ببعض ونضع عليهم اللحمه ونخلطهم معاها جيدا ثم نحضر البصله الثانيه ونقطعها مكعبات صغيره ونحضر ملعقه طعام زبده ونضع عليها البصله ونشوحها قليلا ثم نضع الخضار ونشوحه معه البصل ونضع عليه القليل من الماء ونهدى عليه النار حتى ينضج تماما ونضيف له الملح والفلفل مع مراعاه تظبيط نسب الملح فى اللحم والخضار والبشاميل حتى تكون متجانسه وغر زائده فى الاكله فى النهايه بعد كده تشكل اللحم لكرات بحجم الكبه اللبنانيه ونعمل فيها ثقب ونحشيها بالخضار ونحضر صينيه وندهنا زييت ذره ونرص فيها كرات اللحم المحشيه ثم نضع عليها البيشاميل وممكن بدل ما تعمليها كرات نضع نصف كميه اللحمن فى قاع الصنيه وعليها كميه الخضار ثم باقى كميه اللحم ثم نضع البيشاميل
اما طريقه عمل البشاميل:
نحضر حوالى من 2 الى 3 وممكن اكتر مللاعق طعام زبدة ونحضر اناء نضعه على النار ونسيح فيه الزبده ونضع عليه حوالى كوب دقيق ونحمره حتى يصبح لونه ذهبيا ثم نضيف عليه حوالى من 2 الى 3 كبشه شوربه لحم اودجاج الى موجود عندك ثم نضيف حليب حتى يصبح قوامه متوسط لا لين ولا شديد السماكه ونحطله طبعا قليل من الملح والفلفل الاسود او الابيض واللبن هيكون حوالى نصف كيلو ويمكن اكتر حسب ما ياخد معاكى القوام الى ذكرته + وضع من 3 الى 4 بيضه لان لما اليض بيكون كتير فى البيشاميل بيبقى طعمه روعه .
ملحوظه :
عند عمل البشاميل لعد تحمير الدقيق نطفى النار ونكمل شغلنا فى عمله بدون النار عشان مييكلكعش معاكى الدقيق
واخرا نضعها فى الفرن على درجه حراره 180 لمده من ربع الى نصف ساعه وتتبعيها فى الفرن حتى لا تحترق منك
وبالهنا والشفا وابقو قولولى لما تعملوها عجبتكوا ولا ؟؟؟؟؟؟؟؟ مواضيع هذا القسم برعاية
بوسى هوارى بوسى هوارى فتكات هايلة Fatakat 10551 الجيزة – مصر