طبعا كلنا عارفين ان الولاد مدمنين شيبسى .بس للاسف اضراره كتيرة على صحتهم وانا اول واحده بعانى من الموضوع ده.لان اولادى تركو الاكل تدريجيا بسبب الحلويات والشيبسى والحمد لله بالطريقه دى منعتهم نهائى من شراء الشيبسى من برة.لانى بعملهم الطعم اللى هما بيحبوةفى اى وقت هما عاوزين فيه شيبسى المهم انا هنا عاملالكو شيبسى بطعم الفراخ وهو بسيط جدا وهيترتب عليه طريقه عمل باقى الاطعمه التانيه وهقولكو ازاى. بس نشوف الاول الطريقه https://files2.fatakat.com/2015/6/13712474177255.jpg هنجيب البطاطس كده ونقشرهاالكميه اللى انتو عاوزينها دول عملولى طبق كبير زى ما هنشوف فى الاخر https://files2.fatakat.com/2015/6/13712477586162.jpg وبعدين تقشريها بالقشارة بتاعتك عادى خالص(قشاره الشيبسى الرفيعه جدا) https://files2.fatakat.com/2015/6/13712479127809.jpg وبعدين نجيب طبق غويط ونحط فيه الميه اللى تغطى كميه البطاطس اللى انتى قشرتيها زى كده وتدوبى فيها بقى الطعم اللى انتى عوزاه .انا هنا دوبت مرقه دجاج وهنقع فيها البطاطس لمده ساعتين على الاقل لو فى امكانك اكتر يبقى احسن طبعا.مع شويه ملح قليل علشان مرقه الدجاج فيها ملح وطبعا لو هتعملى طعم الشطه واليمون يبقى فهمتى الطريقه. هتعصرى ليمونه ونص معلقه شطه فى الميه اللى بنحط فيها البطاطس ولو بيحبوه بالملح اكيد هتحطى ملح بس وهكذا https://files2.fatakat.com/2015/6/13712484297429.jpg زى ما انتو شايفين فى الصورة.وده شكلها النهائى بعد التحمير فى زيت غزير.وبالهنا والشفاء للاولاد الحلوين وعلى فكرة برضو تنفع للتزين جنب طبق فراخ والضيوف هيلاقو كلو طعم واحد https://files2.fatakat.com/2015/6/13712493433954.jpg صوره تانيه فى الضوءhttps://files2.fatakat.com/2015/6/13712496008583.jpg فى ملحوظه خدى بالك منها قبل ما تقلى البطاطس اوعى تشطفيها من الميه اللى اتنقعت فيها وتضيعى الطعم الخطير بس بأمانه الطعم تحفه وولادك هيقولولك ازا ى عرفتى تجيبى الطعم ده ياماما والطعم الخطير ده يستاهل التقييم ….صح ولا هتاكلى عليا الحلاوة مواضيع هذا القسم برعاية nourlyly47 nourlyly47 838565_1.gif فتكات نشيطة Fatakat 838565 الزقازيق.شرقيه – مصر
