بسم الله الرحمن الرحيم
ازيكم يا احلى فتوكات
بما انى بشتغل فوقتى ضيق جدا فعشان كدة بشترى عجينه السمبوسك جاهزة
وعلى فكرة هى مش غاليه وبتعمل كتير
وحلاوتها انى بقدر احشيها اللى على مزاجى
واتعلمت ازاى اعملها زى اللى بتتباع محشيه برة بالظبط وحبيت اوريكم الطريقه ويارب تكون واضحه
الحشوة الاولى
خضار سوتيه ( جزر وبسله مسلوقه نصف سلقه وعليهم رشه ملح )
طبعا ممكن تحطى اى خضار تانى مش مشكله
الحشوة التانيه
جبنه بيضاء ( اى نوع ) مع بقدونس مقطع
ماتحطيش ملح على الجبنه خالص عشان ماتطلعش حادقه
على فكرة انا اى جبنه بتفضل عندى بحطها فى كيس بلاستيك فى الفريزر وبشيلها عشان احشى بها السمبوسك
الطريقه
انا بحب اخد راق خفيف خالص عشان ماتبقاش تخينه بعد ما اقليها
نسيب الصور يمكن تتكلم احسن منى
بعد ماتكررى العمليه ممكن تقفلى الاطراف بعجينه ( شويه دقيق مع ماء )وتقفلى الاطراف زى ما كنا بنقفل الاظرف بتاعت الجوابات زمان
بعد كدة بحطهم فى علبه بلاستيك فى الفريزر وبطلع منهم حسب احتياجاتى الكميه المطلوبه وبقليها فى الزيت
يارب تكون الصور واضحه والطريقه
مستنيه ردودكم وارائكم
مواضيع هذا القسم برعاية
ommarem ommarem 310226_4.gif فتكات ست الكل Fatakat 310226 الجيزة – مصر