السلام عليكم يا احلي فتوكاااااااااااااااات
انا جايه وجيابالكم اكله جديده ويارب تعجبكم
بمنابه العيد بقه كل سنه وانتم طيبين واللحمه فالاكله دي جديده وتعتبر تغيير
حبيه
المقادير:
1كيلو لحم (اي نوع تحبيه)
4 علب زبادي كبيره
2 ملعقه نشا
الخطوات:
1- تسلقي اللحمه لحد اما تسنوي كويس جدا
2-بعد كده تاخدي الزبادي وتضربيه في الخلاط مع النشا كويس قوي هتلاقيه بقي سائل تخين كده
3- تحطي حبه زيت صغيرين في حله مناسبه وتحطي عليهم الزبادي المضروب وتقلبي لحد اما يغلي وكل ده وانتي بتقلبي عشان الزبادي ما يفتلش منك او بمعني اصح يعمل حتت كده
4- بعد اما يغلي تاخدي حتت اللحمه بالراحه مع حبه شوربه صغيرين وتحطيها في الزبادي المضروب ((ده بس خدي بالك لازم اللحمه تبقي مستويه قوي لانها بترجع تشد في الزبادي)) وبس سيبي اللحمه تغلي مع الزبادي قيمه ربع او تلت ساعه وتدوقي الزبادي لو حاسه انه دلع زودي شويه شوربه وبهارات خفيفه من عندك
5- تقدميها مع ارز ابيض محطوط عليه حبه سوداني متحمرين في الزيت وترشي عليه شويه شوربه من اللي فيها اللحمه (اللي هيا معموله من الزبادي)
وبالهنا والشفا وياااااااااارب تعجبكم
متنسوش تدعولي وتقيموا الموضووووووووووووووع
مواضيع هذا القسم برعاية
paradises birds paradises birds 758985_1.gif فتكات نشيطة Fatakat 758985 قلب زوجي بالمدينة الربانية – مصر