بصى الكول سلو سهله اوى اوى
تجيبى كرنبه صغننه وتاخدى قلب الكرنبه وتجيبى مقص وتقصى ورق الكرنبه كده بالعرض يعنى شرائح طولها 4 سم مثلا او قطع زى منتى عاوزة اهم حاجه تقصى الورق بس
وتجيبى 4 جزرات مثلا وتبشريهم على الكرنب
نجهز الخلطه بقا((ا برطمان مايونيز + لبن لحد ما رطل الخلاط يتملى يعنى مثلا نص كيلو لبن + 4 معالق سكر)) ونضربهم فى الخلاط
وندوق اهم حاجه يبقا مسكر بس مش مسكر اوى
ونصب الخليط فوق الكرنب والجزر ويبقا اكتر منو يعنى اللبن يغطى الكرنب
ويتحط فى التلاجه اقل حاجه 4 ساعات
عشان يمسك فى بعضه لانك لما هتصبى اللبن هيبقا الكول سلو عايم كده فى اللبن لكن بعد 4 ساعات فى التلاجه هيمسك كده ويبقا صوص ابيض سميك
ويبقا اجمد من اى مكان كلتيه فيه برا
انا مكنتش بعرف اعمله بس بجد بقيت بعمله وتحفه فعلا
بالهنا والشفا
مواضيع هذا القسم برعاية
منصوراويه2016 منصوراويه2016 305700_5.gif فتكات ست الكل Fatakat 305700 المنصورة – مصر..محاميه