السلام عليكم
كل سنه انتم طيبين يا احلى فتوكات 
انهارده قررت ابطل كسل زي ما فيه كتير مننا كسلانين بسبب الحر
اشتريت كرنبه صغيوره ب 7 جنيه وسلقتها وقطعتها
وجهزت خلطه المحشي رز وصلصه وكسبره وتوابلك وانا اشتريت من العطار توابل للمحشي بتخلى ريحته وطعمه حلو قوي
وجهزت الحله اللي هحشي فيها وفرشت في الارضيه بصل وفلفل اخضر طرنشات متبلين بملح وفلفل اسود
وبنحشي كدا افرد الورقه وعليها الرز وبعدين الف كويس عشان متفكش
ونلف لحد اما تخلص الحله
انا كدا خلصت
وانا بحشي كنت حطيت اللحمه على النار عشان اطبخ المحشي بالشوربه
واخدت من الجزار ماسوره بتخلي الشوربه سمينه وحلوه للمحشي
وحطيت الشوربه على المحشي وضفت ليله صلصله من بتاع المحشي بتخلي لونه حلو قوي
نحطه على النار لحد اما الشوربه تنشف ونوطي عليه لحد اما يستوي
وطلع معايا كدا
وزوووووووووم على المحشي لزوج التجويع هههههههه
ياريت ندعي كلنا لمصر ان ربنا يرجع ليها الامن والامان تاني
ياريت تقدروا تعبي في تصغير الصور وتنزليها فمتبخلوش عليا بالتقييم
وكل سنه وانتم طيبين
مواضيع هذا القسم برعاية
ام ريري وزياد ام ريري وزياد 412849_18.gif فتكات ست الكل Fatakat 412849 المنصورة – المنصورة