ازيكو يابنات عاملين ايه
بصو بقي طبعا كل واحده بعد ما قرات العنوان قالت ايييييه سلق اللحمه ليه هو شغلانه؟
حطي الفرخه في ميه وسخنيها تبقي شوربه ياليناصح
صححححححححححححح
لا مش صح لان سلق اللحوم والفراخ ده ليه اصول
انا مثلا حماتي بتطلع اللحمه من الفريزر علي الحله وتحط عليها ميه وفلفل اسمر وبهارات وبصله واديله وتسيبها بقي لما تبقي تفك وتستوي براحتها
بس والله شوربتها بتبقي استغفر الله العظيم
المهم ومن غير مانجيب في سيرة حددددددددد
انا هقولكو طريقتي في سلق اللحمه والفراخ وبالصور
بس النهارده بقي لحمه ضاني وااااااااااااااااااااو
ملحوووووظه الطريقه دي تمشي مع (اللحمه الكبيرة-الضاني-البتلو)و(الفراخ البيضاء-العتاقي-الحمرا-البلدي- الامهات)و(البط-الوز-الحمام-السمان)
شوفتو انا كريمه ازاي؟
يووووووووووووو انتو رغايين اوي
صورة لزوم ايييييييييه؟ شاطرين التشويق
ده طبق شوربه باللحمه الضاني
عايزاكو بس تلاحظو لون الشوربه هي حمرا شويه بس معلش الطماطم جت كتير شويتين
نخش عالمفيد
المقاااااااااااديييييييييييييييير
نص كيلو لحمه ضاني(ممكن تستخدمي اي حاجه من اللي قولناها فوق)
بصله متوسطه عايزاها مقطعه ماشي ارباع ماشي كام بصله صغيرين صحاح برضو ماشي(شوفو مدلعاكو ازاي)
طماطمايه واحده وبرضو نفس قصة البصلهايزاها مقطعه ماشي ارباع ماشي كام واحده صغيرين صحاح برضو ماشي
معلقة سمنه
بهاراتك ياحلوة(فلفل اسمر-بهارات مشكله-توم وبصل بودرة-جنزبيل بودرة-ورق لوري)ولو عندك فصين حبهان يبقي كده فل اوي بس بصراحه انا ماكنش عندي وادي صورتهم
طيب الطبيعي بقي اني اي شوربه بحطلها بوكيه جارنيه(مين يااختي ماتكلمي عربي)يعني بصله خضرا-كرات-كرفس-جزرة
بس بصراحه كنت جايبه كميه خلصتها في العيد اصله كان عيد اللحمه بقي ههههه فعملت من غيرهم
الطريييييييييييييييقه
الاول املي الكاتيل ميه وخليها تغلي او البراد يعني ماتتلككوش
هنسيح السمنه في حله اوكي
وبعدين لما تتقدح اوىىىىىىى نحط اللحمه نصدمها ههههههههه
كده
ونحمرها عالجنبين كده
ولما تتحمر كويس اوي
نروح حطين التوابل ونقلب
ولما تتشوح شويه نحط بقي البصل والطماطم والبوكيه ايييييييييه شاطرين البوكيه جارنيه
ونقلب تقليبتين وهوووووب نحط الميه المغليه
بس بقي تقليبه وسيبيها تغلي كده وغطيها لو مش مستعجلة وطي النار عليها واتفرجي بقي علي احلي طعم للحمه والشوربه والله هتحلفي بيه والا ريحتها بقي واااااااو
يلا بقي جربو وادعولي وادي الطبق تاني اهو عشان اللي فتح التليفزيون من النص وماشافش الحلقه من اولها يشوفها تاني
معلش سامحوني مركز تحميل فتكات معرفش حصلو ايه مش عارفه احملكم باقية الصور بس يارب تكون الطريقه واضحه
جربو وقولولي رأيكو
مواضيع هذا القسم برعاية
القطه المشمشيه86 القطه المشمشيه86 515684_2.gif سوبر فتكات Fatakat 515684 القاهرة – مصر