السلام عليكم ورحمة الله عزيزاتى جبتلكم النهردة وصفتى فى المحشى البدنجان والفلفل يا رب تعجبكم ولو نالت اعجابكم متنسوش تدعولى وتقيمولى وربنا يحقق كل ما نحلم بية ان شاء الله امين اليكم التالى
دة مقدار كيلو ونص بدنجان طويل ونص كيلو فلفل حجم صغير
اتنين كوب رز مغسول
واحد كوب زيت
واحد كيلو طماطم ونضربها بالخلاط ر
واحد بصلاية حجم كبير ونقطعها بالشكل دة
معلقة كبيرة ملح
معلقة كبيرة كمون مطحون
معلقة كبيرة فلفل اسود مطحون
كوب شوربة
الطريقة اولا كيفية شراء البدنجان يكون لة عنقود معوج مش واقف لان اللى عنقودة واقف بيكون بدنجان مر فانا جبت زى اللى فى الصورة كدة
وبعدين نقطع البدنجان كدة عشان يكون كل البدنجان فى نفس الطول نقور البدنجان وبعدين نحط كوب الزيت فى الحلة اللى هتطبخى فيها ونقلى البدنجان كدة ودة شكلة بعد ما اتقلى قلية خفيفة على نار هادية وبعدين فى نفس الزيت اللى قلينا فية البدنجان نشوح البصل كدة وبعدين ننزل بعصير كيلو الطماطم كدة ونتركها تتسبك كويس لغاية ما الزيت يفصل عن الطماطم زى فى الصورة كدة وبعدين نحط الرز على التوابل والخضرة والتسبيكة ونقلب ودى شكلها ونحط فى قاع الحلة عناقيد الخضرة كدة عشان المحشى ميلزقش فى الحلة ونحشى البدنجان مش مليان اوى ونرص الفلفل والبدنجان ودة شكلة ونضيف كوب الشوربة ونحط الحلة على نار عالية خمس دقايق ونوطى عليها تكمل سواهالمدة ساعة ودة شكل اخير بعد ما استوى ويارب تدعولى لو عجبكم لان النور قطع معايا مرتين وانا بعمل الموضوع دة بس انا اصريت اكمل والحمد لله تم بحمد لله لو شجعتنونى هعمل اى حاجة بعرف اعملها ان شاء الله فى رعاية الله
مواضيع هذا القسم برعاية
حبيبة امها الغالية حبيبة امها الغالية 752510_15.gif فتكات رائعة Fatakat 752510 القاهرة – مصر
سبحان الله و بحمده