طريقة عمل الفراخ الكنتاكي

السلام عليكم ياحبايبى عرفت طريقة لعمل فراخ الكنتاكى فى البيت فحبيت اعرفكم
المكونات
1-فراخ او اوراك (فراخ بيضه)
2-قرفة مطحونه
3-شطه مطحونه
4-ملح
5-فلفل اسود مطحون
6-مياة مثلج
7-مياة عاديه من الحنفيه
8-فيجيتار او بقسماط مطحون
9-معلقة نشأ
10-معلقتين دقيق
11-مقدار ارز
12-معلقتين سكر

الطريقة

اولا الفراخ
انا بجيب الفراخ البيضه بجيب من المحل اوراك او ممكن تجيبى فرخة كامله براحتك
1بتقعطى الفرخة
2بتسلقى الاوراك فى ماء بتحطى على المياه (بصله صغيره-طماطمايه صغيره-قرفة-شطه- فلفل اسود- وملح)حسب المذاق
3بتفضل حوالى ساعة او اقل
4لما تستوى الاوراك تنشليها من الشوربه وتحطيها فى المياه الى من الحنفيه
5تنشيلها من المياء وتحطيها فى الماء المثلج
6تكونى محضرة الخلطة (الفيجيتار او البقسماط المطحون+معلقة النشأ+معلقتين الدقيق) ولما تنشلى الاوراك من الماء المثلج تحطيها فى الخلطة
7 ترجعى تانى تحطيها فى الماء المثلج
8ترجعى تانى تحطيها فى الخلطه تاني
9بعد كدة تحمريها فى الزيت
وبالهنا والشفا يارب

اما بقى الارز الريزو وده بينعمل مع الفراخ دى طبعا
1-بتحرقى السكر فى حله على النار لازم يتحرق
2-بتحطى الرز المغسول
3-بتقلبى الرز مع السكر المحروق
4-بتسقى الرز الشوربه الى طلعت من الفرخة الىعليها القرفة والشطه والفلفل الاسود
5-تظبطى الملح
وبالف هنا يارب
اللي تعجبها تدعيلي ربنا يهدي ابني ويهديني مواضيع هذا القسم برعاية

gena ahmed gena ahmed 805253_3.gif فتكات متميزة Fatakat 805253 الجيزه – مصر

سبحان الله و بحمده