امبارح حبيت اعمل للاولاد خبز محشى بالجبنة
ففكرت وقررت اعمل الخبز او الفطائر البلغارى
حلوة جدا وخفيفة وتنفع للعشاء او الافطار
الصور للتقييم
200 مللى حليب (كوب اللبن يساوى 240 مللى)
(كوب الا ربع تقريبا يضاف تدريجيا )
2 بيضات
500 جم دقيق 4 كوبايات
21 12 م كبيرة خميرة فورية او 20 غ خميرة طرية
1 م كبيرة سكر
1 م كبيرة زبدة طرية
1 م صغيرة ملح
1 م ك عصيرليمون(اختيارى)
شوية زبدة مذابة للدهن بين الطبقات
نعجن المقاديركلها جيدا حتى نحصل على عجينة طرية و ملساء
نعجنها باليد 20 دقيقة
نتركها ترتاح حثى يتضاعف حجمها
نقسم العجينة الى اربع اجزاء
وكل جزء الى 4 اجزاء
يعنى هيتكون عندنا 16 كورة
نمد كل كورة بالنشابة حتى نحصل على شكل اسطوانة
بس ياريت متبقاش سمكها تخين متنسوش انها لسة هتخمر وهيبقوا 4 اسطوانات على بعض
ندهنهابالفرشاة بالزبدة و نحطها على اسطوانة تانية و ندهنها بالفرشاة بالذبدة
حتى نحصل على اربع اسطوانات مدهونه فوق بعض
بس مندهنش اخر واحدة لان هنحط عليها الحشوة
زى كدة معلش انا مصورتش الخطوات بس هوريكوا الطريقة بصورة خارجية
بصو على سمك الاسطوانة بعد لما نفرد بالنشابة المفروض يبقى كدة
وبعد لما نحشيها نلفها اسطوانة
وتقطع على شكل مثلثات
انا حشيتها
جبن ابيض فيتا او اى نوع تحبية علية كبشة بقدونس مقطع مع حبة زيتون شرائح
يعنى كل 4 طبقات نرصهم على بعض ونحشيهم ونلفهم اسطوانة ونقطعهم مثلثات
ونرصها فى صينية مدهونة خفيف
هنا بعد لما رصيتها وسيبتها لحد لما اتخمرت وتضاعفت بياخد من ساعة الى 2 ساعة على حسب الجو عندك المهم تتضاعف عشان تبقى خفيفة
بصو ما شاء الله تبارك الله
وبعدين ادهنها بالفرشا بلبن مذوب فية معلقة سكر وارشها حبة البركة وسمسم
و ادخلها الفرن مسبق التسخين
على درجة حرارة 200 درجة حتى يصفر الارضية من تحت
وبعدين اقفل الفرن واولع الشواية دقيقتين عشان الوش يحمر
دة الشكل النهااااااااااااااائى
ملاحظات هاااااااااااااااااامة
بالنسبة للحشوات اللى هتحشى بيها
مهم جدا ان ميكونش فيها سوائل كتير عشان الفطيرةمتعجنش من النص
ومتكتريش الزيوت او الدهون زى الزيت او السمن او الزبدة فى الحشوة عشان العجينة متبقاش مليانة دهون
………………………………………….. ……………………………….
ودى نصائح هامة عامة للمعجنات
اختيار الطحين من النوع الفاخر ..و انخلي الدقيق عند استعماله في عمل المعجنات ليعطي عجينه
سلسه ولينه مع العجن..
# التأكد من صلاحية الخميرة وحفظها في وعاء مغلق وداكن بحيث لا يتعرضلضوء و تحفظ دائما في
الثلاجة
# يستحسن استخدام الماء الدافئ وليسالساخن أو البارد في عجن العجينة
# مقادير العجن لآزم تكون بدرجة حرارة الغرفة.. ومآ تكون درجة حرارتها متفاوتة بين البرودة
والدفيء..
# تعجن العجينة لمده لا تقل عن ١5 دقائق بالماكينة او 20 دقيقة باليد لتختلط المكونات مع بعض جيداً وهو اللى يخلى العجينة
طرية وتخمر بسرعة
# بعد العجن نغطيها حتى لا تنشف وندخلها في مكان مظلم(لان الظلمة تجعل العجينة تخمر بسرعة )
20 دقيقه حتى تتخمر مرة اخرى قبل دخولها الفرن – # بعد حشو العجينة وتشكيلها تترك لمده 15
# لإكساب الفطائر لون ذهبي من الممكن اختيار احدى الملمعات التي تدهن بها الحبات قبل ادخالها
الفرن وهناك عجائن تكون ممتازة ولا نحتاج إلى دهنها :
١/ صفار بيضة مخلوط مع ٥ ملاعق طعام ماء
٢/ قليل من الحليب المخلوط مع قليل من السكر
٢٠ دقيقة – # نشغل الفرن على حرارة عالية قبل دخول الصينية الفرن ب ١٥
( وهو نفس الوقت اللي بنخلى العجينة ترتاح فيه بعد تشكيلها )
# يجب عدم تعريضها لتيار الهواء عقب خروجها من الفرن بل وضعها في وعاء وتوضع في مكان
بعيد عن الهواء
متنسوش التقيييييييييييييييم والدعوة بصلاح الحال وربنا يبارك فى زوجى واولادى
مواضيع هذا القسم برعاية
ام مريومة ومعاذ ام مريومة ومعاذ 401394_27.gif فتكات ست الكل Fatakat 401394 مصرية اسمعلاوية مقيمة بالسعودية – السعودية