ازيكم يا بنات
قبل ما ابدا
تعالو كلنا ندعى لامنا مصر
اللهم احفظ مصر والمصريين
مسلمين ومسيحين
امين يارب العالمين
بسم الله الرحمن الرحيم
انا عملتلكم الكبده الاسكندرانى قبل كده
كبده اسكندرانى (سنوات الضياع 2 )
بس الكبده بتاعه النهارده مختلفه شويه لانى حطيت عليها بصل
وده المنظر النهائى لطبق الكبده
وده كمان
المقادير
كبده طبعا
بصل وتوم
وبهارات ملح وفلفل وكسبره ناشفه وكمون
خل ولمون وفلفل اخضر وطماطم
وان شاء المقادير موجوده فى كل بيت
الطريقه
ادى البصل اهو
وادى كميه التوم
هنقسمها على مرتين لانى مش هحطها مره واحده وخلاص
لالالالالالالالالالالالا
انا بحط نص الكميه فى الاول ونص الكميه التانى فى الاخر
عشان ريحه التوم تشعشع تانى فى الحله
لانى الكبده روحها التوم
انا جيبت البصل اهو وشوحته تشويحه خفيفه فى معلقه سمنه او زيت براحتك يعنى
وبعدين نزلت بالكبده مره واحده
وعملت تششششششش طبعا اول ما نزلتها هههههههههه
وهنا بقى حطيت نص كميه التوم عشان الكبده تستوى بريحته الجباره وتشرب منه لما ترتوى
وقعدت اشوح فيهم حوالى 5 دقايق كده وبعدين نزلت بالبهارات دى مع معلقتين خل ابيض عادى
وبعدين سيبتهم شويه بقى مع بعض ع النار
لحد ما قربت تستوى
قومت حطه بقى نص كميه التوم التانيه
حطيتها لما حسيت ان الكبده قربت تستوى خالص
وفى الالالالالالالالالالالاخر خالص حطيت طلق الطماطم والفلفل واللمون ده
عشان نكسر اللون واكيد طبعا بيخلو الطعم احلى
وده طبق الكبده لعد ما خلص خالص
وده كمان
يارب الطبق يعجبكم
وتقيمولى
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر