السلام عليكم يااحلى بناات في الدنيا
الغدا النهارده كان كفته
وهنا طريقة الكفته بالتفصيل
كفتة الحاتي ولا اجدعها محل مشويات
نرجع لموضوعنا الخطير .. الكفته طبعا لازمها سلطة طحينه علشان الاكله تكمل ..
فتحت برطمان الطحينه لقيت فيه معلقه صغيره واحده مش هتكفي اعمل بيها طبق ..
تعملي ايه يابت يا مراسم تعملي اييييييييييه …
بعد حيره وخيبة امل .. اذ فجأه ألاقي كيس الدقيق ادامي ..
رحت جايبه معلقة كبيره دقيق وحطيتها على نص كوباية ميه على النار الهاديه لحد لما عمل زي المهلبيه كدا وتقل .. مش هياخد دقيقه
وبعدين ضيفته لمعلقة الطحينه ودوقتها لقيتها لسه طحينه الحمدلله ..
فاتجرأت بقى وضيفت لهم
عصير نص ليمونه ورشة كمون وظبطت الملح .. وخففتها بشوية ميه دافيه صغيرين خالص ..
لقيت لونها فاتح ضيفت لها رشة بابريكا خفيفه علشان تدي لها لون حلو ولو عندكم شطه هتبقى احلى
وفي الاخر بقدونس مقطع
ملحقتش اصور الطبق لانه اتنسف …. بجد طعمه كان زي المحلات
واحلى بكتير من الطريقه العاديه اللي بنعملها
توتا توتا فرغت الحدوته .. يوووه قصدي الطحينه .. حلوه واللا … ؟؟
حلوه ؟ يبقى اتمنى تجربوها وبعدين تقيموها ..
————————
احبكن في الله …
ولا تنسوني من صالح دعائكم بالصحه والعافيه وان يرزق كل واحده فينا ما تتمناه من حيث لا تحتسب .. آمييين
مواضيع هذا القسم برعاية
مرسم مرسم 138950_1.gif فتكات ست الكل Fatakat 138950 الاسكندريه – مصر