حيابيى القمرات كل سنة وانتوا بخير وصحة وسعادة الصيف هل هلاله والجو حر
النهاردة بقى ياقمرات عملت طاجن فريك من اللى مش بيحب شريك وقلت لازم اقول لفتوكاتى اللى منهم بيتعلم الطبخ يمكن حد يستفيد من الطريقة وبرضة هو تجديد بدل الرز والمكرونة
الاول جبت الفريك ونقيتة وغسلته ونقعتة لمده ساعة فى المية
وبشرت بصلة
شوحت البصلة فى حتة سمنة
نزلت عليها بالفريك بعد ما صفيتة من المية وشوحتة شويه مع البصلة
كنت سلقت اللحمة وحطيت الفريك بعد ما شوحتة فى الطاجن وغمرتة بالشوربة
دخلتة الفرن شويه لحد ماقرب يشرب الشوربة طلعتة ورصيت عليه اللحمة المسلوقة
وهنا كان خلاص قرب يتفلفل
وادى الطاجن بعد ما طلع من الفرن
هنا عملت الكشك الماظ بكوباية زبادى ونص كوب لبن وكوب ونص شوربة و3ملاعق دقيق وضربتهم فى الخلاط
رفعتهم على النار مع التقليب عشان مش يكلكع
وطبعا اسيبة لحد ما القوام يتخن
شوحت بصلة لحد مابقت ذهبية اللون
طشيتها على الكشك
وقلبت
وده طبق الفريك المفلفل مع اللحمة
اتفضلوا ياقمرات
وطبق الكشك المتين لو جربتيه مش هتسيبه
وياريت اكون افدت وحد استفاد من الوصفات دى
لو عجبكوا اكلى قيموا عشان اعرف انه عجبكوا
وعقبال المرات اللى جاية
فى امان الله ياحلويين
مواضيع هذا القسم برعاية
تونة555 تونة555 295489_32.gif Fatakat 295489 الجيزة – مصر