بعد ما الحمدلله موضوعى اللى فات عجب فتوكات كتيير اتشجعت وقولت انزل كمان موضوع اتمنى يعجبكم زي اللى فات ومتخذلونيش
طاجن الفراخ بالبصل ندخل على الشكل النهائى
المقادير:
-فراخ متقطعه 8قطع ومتبله فى ملح وفلفل ومعلقه خل وميه بصل
-بصل متقطع انصاف
-صلصه طماطم+مكعبين ماجى
اول حاجه هنعمل للفراخ صدمه بمعنى
اننا هنسخن طاسه تيفال فيها حبه زيت ونسيبها تسخن على نار عاليه ونحط الفراخ نديها لون من الجنبين وبعدين نطلعها ونركنها ع جنب فى طبق
#تكايه مهمه لازم النار تبقى عاليه والطاسه سخنه علشان الفراخ متنزلش ميتها تمام
نجيب البصل ونرش عليه ملح وفلفل وكمون
وحاولى كتر كميه البصل لانها بتقل تقريبا للنصف وقت السوا
بعد مارشينا ع البصل ملح وفلفل وكمون وننزل بيه ع الزيت اللى حمرنا فيه الفراخ ويدوب بس ندبله مش يحمر
نجهز بقا
كوب ميه صغيره مغليه ونحط فيها ماجى ومعلقه صلصه وملح وفلفل وكمون (والميه دى اللى هنزود بيها طاجن الفراخ بتاعنا ) بس انا هنا مزوده الكميه ع اسا انى لو احتجت تانى
تانى حاجه
نجهز حوالى 3 معالق صلصه ونتبلهم بملح وفلفل وكمون علشان ندهن الفراخ قبل ماتدخل الفرن علشان تدينى لون وطعم جميييييل
قبل مانبتدى نجهز فى الاكله نكون مسخنين الفرن على درجه عاليه علشان الفراخ تدخل ع فرن ساخن وتبقى طريه من جوه
بعد ماجهزنا الفراخ وجهزنا البصل وكل حاجه
نحضر الطاجن ونحط فيه البصل وبعدين نحط الفراخ المدهونه بالصلصه المتبله ونزوده بحوالى كوب ميه او اقل ع حسب ماتحتاج بالنظر يعنى بحيث ان الميه متنشفش فى البصل قبل مالفراخ تستوى وكل فرته بصى عليها لو احتاجت ميه زودى شويه بشويه
طريقه التسويه بقا:
تدخل ع فرن ساخن
درجه حراره عاليه اول تلت ساعه وبعدين نهدى الحراره ونسيبها لغايه ماتستوى
ولما تستوى نطفى الفرن ونشغل الشوايه تاخد لون
ده شكل الطاجن النهائى بجد ماشاء الله يجنن والبصل طعمه خطييير مش محتاجه اصلا تعملى جنبه حاجه ولو عجبتكم الطريقه مش عايزه غير دعوه حلوه بظهر الغيب ان ربنا يقر عينى بما اتمنى ويريح قلبى ويسعدنى ويفتحلى ابواب رزقه ورحمته ويبعد عنى وعن اهلى اى اذى
والطبق ده للـ الفتوكه اللى هتقيم
فى رعايه الله يافتوكات مواضيع هذا القسم برعاية
angelsmile2311 angelsmile2311 963758_5.gif فتكات رائعة Fatakat 963758 my home – egypt