النهاردة قولت انزلكم غدوة كنت عاملاها من يومين كدة
وهى طاجن السبيط مع الرز الاحمر والرول المحشى بكريمة التونة
نبدا بطاجن السبيط
اولا نجيب السبيط وننضفة وننقعة شوية فى مية ملح وليمون
نقطعة مكعبات او شرايح
ونتبلة بالاتى توم مفروم مع قرن فلفل حار مع بقدونس وليمون
وكمووووووووون وفلفل اسود
اول لو عندك تتبيلة خاصة للسمك اعمليها
نسيبة كام ساعة يعنى اطول فترة ممكنة
نجيب بصلة ونقطعها صفير ونحمرها فى معلقة زيت كدة
اما تصفر وتبقى دهبى ننزل بالسبيط
ونسيبة يتشوح وبعدين ننزل علية ببقدونس وكزبرة مقطعين عادى
ولما يتشوح كلة فى بعضة ننزل عليهم بعصير طماطم فريش وطبعا حسب كمية السمك
يعنى الطماطم تغطية كدة
ونسيبة ياخد غلوتين وبعدين نحطة فى الطاجن وندخلة الفرن على 200
لغاية ما يتحمر والطماطم تتسبك ويبقى تمام التمام
الارز الاحمر
رز عادى مغسول
بصلة متوسطة او حسب كمية الرز
لو هنعمل كوبين مثلا رز يبقى نحط مج ونص عصير طماطم
فريش
هنحمر البصلة فى الزيت
ننزل بالرز المصفى كويس ونقلب لحد ما المية تنشف شوية
ننزل بالطماطم ونقلبهم شوية
وبعدين نغطية بالمية ونظبط الملح وخلاااااص
وانا بمووووت فية بس انا كنت مستعجلة جدا
ولا لحقت اصفى ولا اضرب الطماطم فى الخلاط عملتها فى الكبة
وكمان كانت خضرة بس ملكوش دعوة انتوا بس جربوة
الرول المحشى بكريمة التونة
لفة عجينة مورقة
علبتين تونة
معلقتين مايونيز
معلقة مسطردة
معلقة زيت زيتون
بيضة مسلوقة
هنقطع العجينة لشرايح طويلة
ونلفها على الرول الاستانلس وندهنها باللبن ونرشها بحبة البركة
او السمسم
وندخلها الفرن على 180
لحد ما تحمر وتبقى لونها دهبى
فى الوقت دة نضرب التونة مع بقية المقادير لحد ما تبقى كريمة كدة
نطلع الرول ونحط الكريمة فى كيس ونبدا نحشية
ونقفلة من الجناب بزيتون مخلل وممكن نرصة على خس
بس كسلت بصراحة بس بيبقى اشيك وادى شكلة النهائى
يارب يكون الموضوع عجبكم
وطبعا بقى حافظين
دعوة حلوة بظهر الغيب بتيسير امورى ورؤية اهلى
عاجلا غير اجلا ان شاء الله
اختكم فى الله
دودو ام زينة مواضيع هذا القسم برعاية
dodo fr dodo fr 49721_35.gif ملكة فتكات Fatakat 49721 بااااااااااريس – فرنسا
سبحان الله و بحمده