صينية خضار مشكل مع الكفته

صينية الخضار المشكل مع الكفته 00 سهله وشيك ولذيذة
بسم الله الرحمن الرحيم 00 انا احيانا بعملها ببواقى الخضار 00 وهى عبارة عن بادنجان اللى بيسموه عروس بس يكون طخين
وبطاطس برضو بنفس سمك البادنجان وفلفل رومى وطماطم وبصلنحاول نختار احجام متساويه لانك هاتقطعيها دوائر كل الخضار
تقطعيه دوائر بما فيها البصل والطماطم ونتبلهم بالملح والفلفل الاسود والكمون ونركنهم شويه الى ان تجهزى الكفته 00
وهى عاديه عبارة عن لحمه مفرومه وبصل وكام فص توم والتوابل والملح ونفرمهم مع بعض ونعجنها كويس عشان تتماسك وبعد
كده نعملها كور ونبططها زى الطعميه كده وبرضه نخلى حجمها فى نفس حجم دوائر الخضار 00
بعد كده تجيبى صينيه مدوره وتدهنيها وتبدئى ترصى وتبدئى من جنب حائط الصينيه وتمشى معاها وحدة بادنجان ثم طماطم ثم بصل ثم فلفل ثم بطاطس ثم كفتايه ثم طماطم ثم بصل وهكذا تلفى مع الصينيه للداخل الى ان تصلى للوسط هايفضل مكان صغير على قدر كفتايه بس المرادى خليها كورة مش مبططه 00 كده قفلنا الصينيه 00 ها تجيبى كيس صلصه وتدوبيه فى
مغرفة شوربه وتظبطى الملح بتاعها وترشيها على الصينيه وتغطيها بالفويل وتدخليها الفرن حوالى نصف ساعه او الى ان تتاكدى
انها استوت 00 بعد كده تشيلى الفويل وتدخليها الفرن خمس دقايق تحت الشوايه عشان تتحمر خفيف من الوش 00
والف هنا وشفا 00 جربيها وبعدين ارجعى تانى قوليلى رايك ايه 00 بس بعد التقيم والدعاء يا توكه مواضيع هذا القسم برعاية

فايزة666 فايزة666 561085_2.gif فتكات هايلة Fatakat 561085 حلوان – مصر

سبحان الله و بحمده