بسم الله الرحمن الرحيم
ازيكم يا احلى فتوكات وحشتونى كتيييييييييير
انا عند اختى زياره فعملت لى اكله قلت مابدهاش لازم انزلها على فتكات
قلت لاختى هنزل الاكله على فتكات وهاتك يا تصوير
الاكله يا ستى سمك سنجارى وشوربه سى فود ورز صياديه
انا طبعا كان عليا التصوير فماعملتش حاجه طبعا مش كفايه التصوير؟؟!!
السمك السنجارى
نبتدى السمك بسم الله
اول حاجه جابت السمك متنضف ومفتوح سنجارى وغسلته كويس جدااااااا
وبعدين قطعت فويل على اد السمك ودهنته زيت
وحطت عليه السمك ورشت عليه ملح وفلفل وليمون وكمون زى الصوره كده
وبعدين قطعت الخلطه بتاع السمك
طماطم وبصل وجزر وفلفل وتوم مكعبات كلهم وخضره
(على فكره الخضره بتقطعها وتحطها فى الفريزر وتطله منها على الطبيخ على طول طعمها جميل بس بتقول لى لازم احطها مجمده ما استناش لما تفك عشان ماتبقاش دبلانه)
حطت الاول البصل والفلفل وشوحتهم على النار
وبعدين حطت الجزر وبعدين التوم وقلبتهم كويس واخر حاجه الطماطم والخضره وسابتهم على النار يادوب يطرو شويه حوالى خمس دقايق
وكانت مسخنه الفرن من اول ما ابتدت حطت الخلطه على السمك وضغطت عليها كويس وحطته فى الفرن
ممكن تدهنى السمك مستطرده قبل الخلطه زى ما بتحبى
وعلى الفرن عددددددددددددل
بيقعد فى الفرن ساعه تقريبا بس دا عشان صغير قعد ساعه الا ربع
رز الصياديه
قطعت بصله مكعبات وشوحته على النار
وحطت معلقتين صلصه وشويه ميه لحد ما اتسبكت والخضره فى الاخر وملح وفلفل
وحطت الرز و الميه وعلى النار عدددددددل برضه
شوربه السى فوود
قطعت بصل وتوم مكعبات وشوحتهم على النار
وبعدين حطت عليه السى فود(بتجيبه من السوبر ماركت مجمد مشكل)
وقلبتهم كويس بسرعه عشان ماينزلوش ميه
وحطت البقلويظ الطازه (بس انقعيه كويس فى ميه عشان ينزل الرمل اللى فيه)
وبعدين حطتهم فى حله وضافت شويه ميه سخنه وشابتهم ياخدو غلوتين
وبعدين تضيفى كريمه على الشوربه(هى ماكنش عندها كريمه فضافت كوبايه لبن وعليها معلقه كبيره دقيق)وسبيهم يغلو لحد ما تتقل
ودا السمك بعد ما طلع من الفرن والريحه ايه روووووووووووووووووووعه
ودا شكل الطبق مع الرز
ودى الشوربه بجد كانت روووووووووعه بجد وقطعت عليها بصل اخضر
ودا شكل الاكل فى الاخر بجد كان حلو قوى ماشاء الله والريحه ما اقولكوش بجد جااااااااااامده
ودا لاول فتوكه هترد عليا ان شاء الله بالهنا والشفا
يلا مستنيا رودوكم عشان اوريها لاختى عشان هى لسه مستجده على فتكات بس على ميييييييين!!
وبجد اكله خفيفه وجميله مش زى المقلى
فى حفظ الله ورعايته ونورتو الموضوع مقدما
مواضيع هذا القسم برعاية
روهاا روهاا 93648_1.gif مراقبة مدونة Fatakat 93648 المدينه المنوره – السعوديه