السلام عليكم ورحمه الله وبركاته
النهارده يابنات جايبالكوا اكله جميله اتعلمت الطريقه من فتوكه هنا ربنا يجزيها خير يارب
وهى انا صحبتى ولدت وكده فعملتلها الاكل دا النهارده هى طبعا عشان اكل الوالدين كتير هههههههه فقولت بقى اعمل حاجه مختلفه
عملتلها صنيه فراخ بالبطاطس وسلطه وارز ابيض وشيبسى
واليكم الصور وبعدين هقولكوا طريقه الفراج وطالعه روعه
اولا دى البطاطس بتقطيعها دوائر وتفرشيها فى الصنيه وبتحطى عليها شويه تتبيله من بتاعه الفراخ
بعد كده بقى طبعا بتغسلى الفراخ كويس جدا وتنقعيها فى ميه بدقيق بملح وليمون وخل لمده نص ساعه عشان تبقى ريحتها كويسه وبعد ما تطلعيها من الميه تغسليها كويس برضه
وبعدين بقى بعمل التتبيله وهى
3 ملاعق زبادى + نص م كركم + ملح + فلفل + مرقه دجاج مفروكه ناعم + 2 م خل كبيره + ورق لورا + ملعقه صلصه او كاتشب + بصله كبيره مفرومه ناعم + ثوم مفروم ناعم واى بهارات اضافيه براحتك ممكن تحطيها
وبعدين تتبلى الفراخ بالشكل دا
انا بقى سويتها على البوتجاز عشان فرنى بايظ وغطيتها بصنيه استالس طول ماهى بتستوى وبتزودى نص كوب ميه قبل ما تسويها وطبعا ممكن تحطيها فى الفرن
ودا شكلها بعد ما استوت على البوتجاز
طيب هحمرها ازاى ومافيش فرن
زى الشطوره جبت مقلايه كبيره وحمرت الفراخ وحطيتها تانى فى الصنيه
ودا طبق السلطه وصنيه الفراخ مع بعض
ومكونات السلطه
طماطم وخيار وفلفل اخضر وكرنب بنفسجى وجزر مبشور وملح وفلفل وزنجبيل وم زيت كبيره ودره مسلوق حسب رغبتك بس بيدى للسلطه لون جميل
وعملت الرز الابيض بقى العادى
ودا شكلهم
معلش كنت غطيت الفراخ بالفويل عشان ماتبردش هههه
ودا بعد التغليف النهائى ومعاهم شيبسى حار يم يم يم
قولولى رايكوا بقى يافتوكات انفع ولا ايه هههههه اصلى اول مره اودى اكل لحد وكنت حطه ايدى على قلبى والله
وماتنسوش التقييم
مواضيع هذا القسم برعاية
نور العزه نور العزه فتكات هايلة Fatakat 627149 المنصوره – مصر