السلام عليكم يا فتوكات
النهاره بقى جايبه واصفه هايله بجد وطعمها تحفه طبعا كلنا زهقنا من صانيه البطاطس الى فى الفرن والفراخ المشويه
فانا قولت ماحنا ممكن بردو نعمل فراخ وبطاطس بس بطريقه تانيه وتبقى احلى واهوه تغيير بردوا
ندخل فى المفيد هانبتدى بالمقادير
اهى المقادير نص كيلو صدور فراخ قطعتها شرايح طولية
– ولمونتين
وبصلة
وفلفل
بس مكنش عندى وكريمة خفق وجبن كريمى ومستردة والمفروض صويا صوص مكنش عندى اتصرفت وحطيت اورشستر صوص معندكوش مش مشكلة-
كاتشب
وماشروم
وبطاطس محمرة بس مكنش عندى مشروم برضو مش مهم
اول حاجة هنتبل الفراخ بالكاتشب واللمون والصويا صوص اللى انا حطيت بداله حاجة تانية وزودته انا سنة خل عشان الظفارة وزعتر ونسبها فى التتبيلة 3 ساعات وندخلها التﻻجة
هنا بقى جبت البصل المفروض معاه فلفل بس مكنش عندى مش هنوقف اﻻكلة عادى
وحطتها تدبل مع زبدة وزيت
هنطلع الفراخ بقى ونحطها مع البصل وممكن تحطو مع البصل سنة توم مفروم
هنستنى لحد كا الفراخ تنزل ميتها
على مالفراخ تنزل ميتها وتستوى نكون مقشرين البطاطس ونصبعها ونحمرها عادى —
.
هنا بدات تشرب ميتها هنحط مكعب مرقة مفروم كدا وكركم عشان تدى لون حلو ليها وملح وفلفل وبهارات وزعتر وبابريكا — .
هنا الفراخ استوت وبقت واخدة اللون والطعم اللى عاوزينو طعمها حلو اوى يا بنات بجد الزعتر بيفرق فى اﻻكل جاااامد — .
هنجهز الصلصة او الصوص اللى عالوش
3 معالق من الجبنة الكريمى مخففة بشوية كريمة سايلة انا حطيت معلقتين فالقتها خفيفة اوى زودت جبنة تانى يعنى بالنظر كدا ومعاهم ملح وفلفل —
.
هنحط البطاطس فى البيركس
الخطوتين اللى بعدهم نسيت اصورهم اللى هما بعد البطاطس هحط الفراخ عليها وهصب الصوص اللى عملنها
هنا حطيت البطاطس فوقها الفراخ والصوص والصوص عشان خفيف هينزل معاكو تحت متخافوش هنحط عالوش جبنة بارميزان او موتزاريﻻ انا حطيت رومى مع موتزاريﻻ وندخلها الفرن نشعل اﻻول من تحت لحد ما تتسبك وبعدين نشغل الشواية تاخد وش والجبنة تسيح وبالهنا —
دا الشكل النهائى والطعم راااائع بجد وجديد
لازم بجد تجربوها لانها بجد طعمها حلو اووى
التقييم يا بنات يا عساسيل واستنونى ووصفاات واختراعات كتيير اووى
وادعولى ربنا يتمملى على خير انا وخطيبى مواضيع هذا القسم برعاية
eman waleed eman waleed 1236202_1.gif فتكات جديدة Fatakat 1236202 القاهره – مصر