سلام عليكم يا أحلى وأجمل فتوكات أنا أول مرة أكتب وصفة على فتكات بس ياريت إللى تجربها وتعجبها وصفتى تدعيلى ربنا يسهل حملى وولادتى ويرزقنى بأخ لبناتى
المرة دى أصل نفسى أجيب المرة دى ولد
الوصفة أهيه
المقادير
كيلو لحمة مسلوقة
نص كيلو بطاطس مقطعة حلقات
كيلوطماطم مضروبة فى الخلاط
نص قرن فلفل رومى
بصلة كبيرة
فص توم مدقوق ناعم
معلقتين كبار سمن بلدى أو سمنة صفرة
ملح وفلفل أسودوكمون
قطعة فحم
الطريقة
1-حطى السمنة فى صنية على النار
2-حطى البصل لحد لما يصفر
3-حطى فص التوم على البصلة وقلبى لحد لما البصلة تحمر
4-حطى الطماطم بعد ماتضربيها فى الخلاط كويس مع نص فلفلة خضرة رومى على البصلة بعد ما تتحمر
5-سبيها تتسبك كويس وبعدين ضيفى شوية كمون وفلفل أسود وملح حسب ذوقك
6-ضيفى البطاطس وقلبيها
7-ضيفى اللحمة المسلوقة
8- سبيها لحد ما تستوى البطاطس
9-دخليها الفرن عشان تحمر من فوق
10-إشعلى قطعة الفحم لحد لما تحمر وبعدين هاتى طبق صغير وحطى فيه شوية زيت وحطي طبق الفحم على الصنية بعد خروجها من الفرن وغطى بسرع
11-سبيها متغطية لمدة عشر دقايق وبعدين شيلى الغطا وطبق الفحم
و بالهنا والشفا مواضيع هذا القسم برعاية
أم إنجى أم إنجى فتكات هايلة Fatakat 36975 مش هاقول – قلب جوزى حبيبى