السلام عليكم
انا "ام نغم "
انا اول مرة اعمل ديك رومى و طبعا لاننا 3 فقط فى البيت انا و جوزى و بنوتى صغيرة فعملت الديك الرومى على كذا مرة
هو كان صحيح و انا اللى قطعته و قسمته و حطيته فى الفريزر و ده اول جزء عملته منه (الصـــــــــــــــــــــدور ) و طبعا الكمية الى هتشوفها دى ربع كمية الصدور لانه كبير ماشاء الله
ندخل على المقادير:
♥5 قطع صدور بانيه رقيقة مش تخينة.
♥ملح -فلفل – بهارات – فصين توم مفروم -معلقة كبيرة من كل من (مسطرده،خل،زعتر مجفف)
تبلتهم و سبتهم حوالى ساعتين و بعدين حطيت معلقة سمنة كبيرة فى طاسة و حطيت الصدور كلها و على نار عالية مش واطية علشان ما تنزلش ميتها حوالى دقيقة لحد ما تحمر و بعدين نقلب على الوش التانى و بعدين نوطى عليها خالص و نسيبها تنزل ميتها و تشربها و هتستوى فى حوالى نص ساعة
و اسيبكم مع الصور
على الله حد يخرج من غير ما يرد و يقيم
انا شريرة جدا و ممكن اطلعلكم فى الحلم بالليل
مواضيع هذا القسم برعاية
نغم بتحب ماما نغم بتحب ماما 616334_10.gif فتكات ست الكل Fatakat 616334 القاهرة – مصر