ازيكم يافتوكات ياحلوين اليومين دول الكل عمال يسمع عن مرض الغده النكافية الي انتشر بشكل كبير في مصر بنا يحفظنا ويحفظ ولا دنا منه ان شاء الله
فحبيت اشاركم بمعلومات عن المرض ده وطرق الوقاية منه علشان على قد منقدر نحمي ولا دنا منه ان شاء الله
* طبيعة الغدة:
الغدة دى عبارة عن زوجين من الغدد اللعابية مكانها
*المرض:
عبارة عن فايرس paramyoxovirus بيدخل عن طريق الجهاز التنفسى يعنى بيتنقل من النفس واكتر الاشخاص اللي ممكن يتعرضوا للاصابة بالمرض ده هم الاطفال
*طريق المرض:
بيدخل من الجهاز التنفسى ثم للدم ثم بقى يروح لكل أجهزة الجسم
( ودى سبب خطورة المرض دا انه فى بعض الحالات صحيح هى نادرة لكن بتحصل بينتقل للخصيتين والمبايض و بيعمل فيهم إلتهابات بتسبب العقم أحيانا فى الأطفال الغير بالغين !!! )
وبعد كدا يصيب الغدة النكافية
*أعراض المرض:
بيظهر إنتفاخ فى أحد جانبى الوجه
وطبعا درجة الحرارة بتزيد جدا بتعدى 39
ومش بيعرف ياكل
والفك بيوجعه ومش بيعرف يبلع وكدا وكمان ممكن يجي صداع
*العلاج:
الحالة فيروسية يبقى مش فيه علاج
هندى حاجات مسكنة وخافضة للحرارة ومضادة للالتهاب
مع أى مضاد حيوى بسيط
لتفادى السكند اتفكشن باكتيريا
*فترة المرض:
الحالة بتعدلها بتاع أسبوعين وبتخف وطبعا مش يكون فى اختلاط بالناس ومش يروح المدرسة ويرتاح علشان الفايرس ياخد دورته
*التطعيم:
طبعا عارفين انه له تطعيم فى الاطفال
الى هو الطعم الثلاثى MMR بتاع الحصبة بنوعيها مع النكاف بيتاخد مرتين بعد سنة وقبل دخول المدرسة
*الوقاية من المرض:
ولان الوقاية خير من العلاج فيمكن الوقاية من الإصابة بالغدة النكفية، باتباع بعض الإرشادات؛ مثل الالتزام بالمنزل بعد بداية ظهور التورم في الغدة، ومحاولة الابتعاد عن المحيطين بالمنزل قدر المستطاع، والحد من الاختلاط مع الآخرين، خاصة الأطفال، والأشخاص ذوي المناعة الضعيفة، والسيدات الحوامل، وتغطية الفم والأنف بمنديل عند العطس أو السعال، بالإضافة إلى عدم مشاركة استخدام أدوات الشخص المصاب.
واتمنى اكون افدتكم بشوية معلومات عن المرض ويارب يحفظلنا ولادنا ويحميهم من اي مرض ..
dreamy girl dreamy girl images/avatars/peak.gif فتكات متميزة Fatakat 1258 المنصورة – مصر