(( شوفولي حل في الرز المالح دة ))

كيف حالكم يا فتوكات. ربنا يرضى عنكم ويكرمكم.
زعلانة منكم علشان امبارح دخلت أسألكم عن الرز البسمتي ومحدش رد عليا غير فتوكة واحدة, وفتوكتين ردوا عليا من شوية بس, مع إن اللي دخلوا كتير
ممكن بقى تساعدوني المرادي
أنا عملت كبسة إمبارح على قدي كدة قعدت أخترع فيها, المهم إنها طلعت حادقة جدا
أكلنا الفراخ والرز لأ, وطبعا الرز تقريبا بحاله في الحلة ملحه عالي ومش عارفة أكله وخسارة أرميه
هل في طريقة تظبط ملحه شوية؟ ولا كدة خلاص أرميه؟
أنا صعبان عليا بصراحة الرز متظبط توابل ومتسوي بالشوربة مع الفراخ, وكفاية إنه نعمة ربنا, ومستحرمة أرميه.
يارب يكون ليه حل, ياريت تفيدوني يا حبايبي لأني كمان تعبانة جدا ومش قادرة أعمل أكل إنهاردة.
أنا بدعيلكم من غير حاجة, بس لو قولتولي حل هدعيلكم أكتر
يلا مستنية الحل السحري للرز بتاعي.

مواضيع هذا القسم برعاية

عنـــــــان عنـــــــان 489892_4.gif برنسيسة فتكات Fatakat 489892 القاهرة – مصر

سبحان الله و بحمده