بمنتهى البسااااااااااااااطه شوربه العدس مع خبز الثوم مافيش اسهل من كده
ربع عدس متنقى ومغسول ومتصفى كويس
بصلايه مقطعه اربع
طمطمايه كبيره
جزرايه – فصين ثوم
عود قرفه خشب
واحده ماجى
انا مش بحط بطاطس ف العدس مش بحبه كده
البهارت ( كل واحده تحط البهارت اللى بتحبها لاكن دى بهارتى )
ملح – فلفل اسمر خفيف – رشه كمون – رشه جوزة الطيب – قرفه خشب – رشه خفيييييفه شطه بس للطعم
شوحت البصلايه والتوم والجزر ف زيت ذره بسيييط حوالى معلقتين زيت بس
ولما اخدو لون شويه ضفت لهم الشوربه المغليه وضفت العدس وعليه عود القرفه والماجى والطماطم
وخلتهم يغلو مع بعض ربع ساعه وضربتهم بالخلاط ( بس خدى باااااااااالك اوعى تنسى تشيلى عود القرفه الخشب قبل الضرب ف الخلاط)
جبت التوست الاسمر ( حبيببببببببى مابستغناش عنه ابدااااا اصله عشرة عمر ههههههههه )
وقطعته ودخلته زى ماهو ع الرف الوسط ف الفرن وسبت من غير اى اضافات يتحمص
ولما خرج جبت ثومايه وبقيت اغمسها ف زيت واطلعها افرك بيها التوست وهو لسه سخن مولع ادعكى التوست من النحيتين
زينى الشوربه بالبقدونس المفروم وعصره ليمون قبل الاكل مباشرررة
ودا الشكل النهاااااااائى لشوربه العدس مع خبز التوم
اتمنى الموضوع يعجبكم وعلى فكره شوربه العدس بالنسبالى كانت ولا زالت طبقى المفضل من ايام ماكنت بعمل الرجيم
وحتى بعد ما خلصت الرجيم الحمد لله وانا برضضضضضو بحبها اوووووووووى
بس ايام الرجيم مكنتش بشوح البصل ف زيت كنت بضيف الشوربه وعليها كلللللل المكونات مرة واحده يغلو وبرضوووووو معاها التوست الاسمر حبيبى
لدرجه ان حتى جوزى ياعينى بياكل شوربه العدس معايا بالتوست الاسمر المحمص برضو ههههههههههه عديت الراجل
ماتنوسش التقييييييييييييييييم
ودعوة حلوة كده منكم لولادى زى ماعودتونى دايماااا
مواضيع هذا القسم برعاية
jojo queen jojo queen فتكات ست الكل Fatakat 171568 الدوحة – قطر