شوربة السى فود اللذيذة مع نعمة من ربى

ازيكم حبيباتى طبقنا اليوم هو فواكهه البحر طبق رائع ومفيد وكله فسفور

انا الحقيقة جوزى جابلى الكيس المجمد اللى فيه كل حاجة اهو بس طلع جميل

نشوف ايه اللى هناحتاجه معاه

{1}كيس فواكه بحر

{2} بصلة كبيرة مبشورة

{3} فصين مستكة و3 حبات حبهان ورقتين لورا

{4}ملح وفلفل وبهارات سمك وشوية قرفة

{5}كريمة لبانى او نصف كوب لبن ومعلقتين دقيق

{6}معلقة زيت درة او زبدة

{7}لتر ماية

اول حاجة هنفضي الكيس فى طبق وناخد البكلاويز لوحده ونغسله بماية سخنة عشان يفتح وينزل الرمل اللى جواه

مقفول اهو نغسله تحت الماية وتكون سخنة مش قوى يعنى هتلاقيه فتح والرمل نزل منه

كدة فتح واتغسل تمام

نشوح البصلة فى معلقة زيت درة او زبدة زى ماتحبى ونضيف له فصين المستكة والحبهان وورقتين لورا ونقلب

وبعدين نضيف لتر ماية ونحطله الملح والفلفل والقرفة او بهارات السمك واول ماتغلى ننزل فيها البكلويز ونقلب وبعد كدة

نضيف الحاجات الجامدة كلها زى الكابوريا ورجول الاستاكوزا وبعد غلوة نضيف الاسماك والجمبرى

ولو عندك كرفس ضفيه للشوربة انا ماكنش عندى

ونضيف الكريمة او نصف كوباية لبن ومعاه معلتقين دقيق على السى فود ويدوب غلوة ونطفى النار

هى بتستوى بسرعة حوالى ربع ساعة وماتزوديش الماية عن لتر

ونغرف الاطباق طعمها رائعة بجد لذيذة جدااااااااااااااااا

انا كدة خلصت القمر اللى هترد وتقيم ليها منى احلى عصير رومان

بناءا على طلب العضوات عن البهارات وكيس السيى فود
بهارات السمك ممكن تشتريها سايبة من عند العطار
او فى علبة زى دى من اى سوبر ماركت كبير انا شرياها من اولاد رجب

مواضيع هذا القسم برعاية

نعمة من ربى نعمة من ربى 572666_3.gif Fatakat 572666 كفر الشيخ – مصر

سبحان الله و بحمده