صباح الخير ياأحلي فاتوكات الموضوع دا ياريت نجمع فيه تجارب أي حد كان عنده دهون متراكمة في منطقة معينة وجرب إنه يتخلص منها أولا طبعا عن طريق الرجيم لأن هو الأساس بعد كدا بقي في ناس أساسا طبيعتها عندها دهون ذيادة في منطقة معينة أو يكون حد عمل رجيم وخسر كتير من وزنه فأصبح فيه مناطق مترهله في الجسم فالحالتين العلاج دلوقتي عملية شفط الدهون أو شد جسم أوالليزر أو الفوكس ألترا ساوند أو الميزوثربي أو الكاربوكسي أو الإبر الصينية أو الربط التنحيفي دلوقتي بقي كل فاتوكة تدخل تقولنا تجربتها خست مثلا وبعدين جسمها ترهل وحاولت تحل المشكلة إزاي راحت لدكتور أو دكتورة إسمهم إيه وياريت العنوان كمان وجربت إيه عند الدكتور يعني من الأخر تقول جربت أي طريقة من إلي أنا كتباهم فوق وإلا لأ ولو جربت عند مين وسعر الجلسة كام وعملت كام جلسه بحيث إننا نطلع من الموضوع دا وإحنا عندنا خبره ناس جربت الكلام دا وكمان يكون عندنا معرفه بأسماء الدكاتره إلي بثشتغل بالكلام دا وطبعا تقوليلنا حسيتي بفرق بعد تجربتك دي وإلا مفيش نتيجة ونوفر علي نفسنا ونتأقلم علي شكلنا الحالي
ياريت ياجماعة بجد محدش يبخل بأي معلومة عنده بخصوص الموضوع دا علشان الكل يستفيد لأنه أعتقد موضوع شاغل بال ناس كتير فحتي لما حد يحب يفكر يعمل حاجة من الكلام دا يلاقي مرجع هنا يلم معلومات عن الموضوع وأسماء الدكاتره والأسعار أعتقد هتبقي فايده للكل أبدأ أنا بنفسي أنا وزني الحالي في حدود104 كدا كنت أتخن من كدا وخسيت الحمد لله عندي طبعا ترهلات في جسمي بس مبأركزش أوي لأنها في مناطق متدارية وأنا مش متجوزة فعادي عندي بقي دراعي مترهل وكمان تخين جدا فدا بقي بيبان إنه تخين مع الهدوم سألت لقيت طبعا العمليات سواء شفط أوشد بتتعمل ببنج كلي وبعد كدا الليزر الجلسه بألف ونصف غالي جدا والألترا ساوند الجلسه ب500والإبر مأعرفش عنها حاجة الربط التنحيفي جيب زيوت حبهان وجنزبيل وقرنفل وكرنب وكنت بأدهن وألف برول بلاستيك محستش بنتيجة ملفته مع إن ناس كتير شكروا في الوصفه وجبت كريم سوبر دريم برضه محستش بنتيجة مرضية
هأستني كل واحده تقول تجربتها في الموضوع دا ونجمع في الأخر معلومات أوعوا حد يدخل ويخرج كدا لأ الرد إجباري ههههههههه مستنياكم
LoOolOo2016 LoOolOo2016 377624_1.gif ممنوعة من المشاركة Fatakat 377624 المنوفيه – مصر
سبحان الله و بحمده