ازيكم يا احلى فتوكات فى الكون يا رب تكونو بخير ودافيين فى السقعة دى
النهاردة جيبلكم طريقة شروبة العدس بس بطريقتى
اسهل من كدة وما فيش وكمان اطعم لا يقاوم
يلا بينا نصلى على النبى عليه افضل الصلاة والسلام (اللهم صلى وسلم وبارك على سيدا محمدا )
المقادير
2 كوب عدس
جزرة كبيرة
3 ل 4 فصوص ثوم
قرن فلفل حراق ممكن بارد
م ك كمون
نص م ص كركم
ملح
الطريقة
العدس كل ما كان لونه غامق كل ما كان نوعه حلوة
فى حلة على النار بحط شوية زيت بحدود 3 او 4 ملاعق كبار زيت
يسخنوا
وبعدين بكون غسلة العدس ومصفيه بحطه فى الحله فى الزيت
وافضل اقلب لحد ما يتحمص ويتغير لونه ويبقى لونه اصفر بشكل دا
ببشر الجزرية وبحطها على العدس
وبقلب تقليتين العدس مع الجزر
وبضيف الكمون والكرم والمية
الكركم هنا بيدى لون جميل
وسيبه يغلى على النار
وبعد نص ساعة ل ساعة الا ربع بيكون استوى
وهنا اقرب
بحط الملح وبظبطه
بكون دقيت الثوم والفلفل الاخضر الحار (لو مش بتحبى حار حطى فلفل رومى حلو )
مع شوية ملح ونص معلقة كمون
وبحط الدقة دى على الشروبة فى اخر غلوة
بيدوب غلوة واطفى النار وهنا الشروبة جاهزة ومش محتاجة انك تضربيها بالخلط
ونصيحة للعندها اطفال ما تضربيش شروبة العدس لو كنت بتاكلهلهم لانها بتعمل شرقة جامدة
على فكرة العدس مفيد جدا للاطفال وخاصتا الاطفال النحاف ومفيدة لسيدات المرضعات بدر اللبن
هنا الشروبة طفيت عليها ما اخدتش اكتر من ساعة الا ربع
شايفين شكلها كانها مضروبة بالخلط
ولا رحتها وااااو تجننن عندى اولادى مدمنين شروبة العدس
مواضيع هذا القسم برعاية
vovo2016 vovo2016 260903_8.gif فتكات غالية قوي Fatakat 260903 اسكندرية – فلسطنية مصرية غزوية