بسم الله الرحمن الرحيم
انا فعلا استفدت من منتدي فتكات جدا
و تسبب في زيادة وزني و اضطريت اعمل رجيم
كان نفسي جدا اجرب خبز الصاج
بس من غير خميرة
و وجدت الوصفة و طبقتها
للفتوكه الرائعة ام مريومة ومعاذ
https://fatakat.univanet.com/#3803604
جزاها الله كل خير
الاضافات
بالنسبة للزبادي العلبة عندي 115 جرام استعملت اثنين كاملين
حطيت رشه ملح بحطعها مع الدقيق في اي حاجة
حطيت مياه العجن دافية
و عجت طول النهار لاني ايدي بتوجعني عندي التهاب في الاعصاب فبعجن شوية و اريح شوية
غلبني في الفرد عشان اطلعه دائرة فردته بالدقيق
قال عايزة اعمل شيفه
بعد ما سويته علي صاج لقيته عندي من ورث جدي ربنا يرحمه و يغفر له
بدون اي اضافات و بقيت اضغط عليه بالفوطه نار متوسطة
العالية بتلسعه بسرعة النار المنخفضة بتنشفه خدي بالك
حطيته في طبق و غطيته بفوطه مبلوله لحد ما اخلص الشاورما ( كان طري جدا )
غيرت المرة دي و اشتريت 3 فراخات وزن كيلو للفرخة
و خليتهم في البيت و شلت الجلد و قطعتهم تقطيعة الشاورما
و تبلتهم ببصلة جوانح ( عشان اعرف اشيل البصلة قبل السواء )+ ملح + فلفل اسود+ عصير ليمونة كاملة
و سبتهم ليلة كاملة
عملت الشاورما بنفس الطريقة اللي هنا
https://fatakat.univanet.com/#423454
الفرق الوحيد ان غيرت التوابل و جبتها جاهزة
و برضو حطت في الاول ورق اللورا و الحبهان و المستكة
بس عشان كمية الفراخ كبيرة حمرت شوية و نزلت في طبقي جانبي و حمرت و هكذا بس شلت بصل التتبيلة الاول عشان متحرقش
و بعدين رديت كل الفراخ في الطاسة و حطيت التوابل الجاهزة
و كنت مجهزة الخضار مشوي بنفس الطريقة و الفحم
تمام
دهنت الخبز سلطة طحينة و بعدين مايونيز دي افتكاسه جوزي بس طلع الطعم جنان كنت اول مرة اعرف اني ممكن احط طحينة علي مايونيز و لفيته
طبعا الدنيا كانت هيصة و صورت اخر ساندوتش
و الله جوزي ما مبيعجبوش العجب مصدقش اني عملته
بيقولي ليكي طلعات جامدة
و بعدها طلب تشيز كيك
هنزلها قريبا مع التورت اللي في التوقيع
ان شاء الله مواضيع هذا القسم برعاية
مستكة_مستكة مستكة_مستكة 22321_1.gif فتكات هايلة Fatakat 22321 مدينة نصر – القاهرة