ازيكم يافتوكات المطبخ ياحلوين
انا قليله دخول المطبخ هنا مش مطبخ بيتى طبعااا لان ده مجبره ادخله كل يوم
كنت قاعده زهقانه ومحتارة اعمل ايه للعشا قولت هدخل اعجن اى حاجه وزى ما تطلع ودى كانت نتيجة الزهق
سندوتشات هوت دوج
المقادير
2 كوبايه ونص دقيق _ نص كوبايه سمنه او زيت زى ما تحبى _ معلقه كبيرة لبن بودرة _ معلقه كبيرة سكر
معلقه صغيرة ملح _ ماء دافى للعجن _ معلقه كبيرة خميرة فوريه او قطعه خميرة بيره (حسب المتوافر عندك)
_ شوية لبن صغيرين عشان تطرى العجينه وممكن زبادى _ بيضة
الطريقه بقى
طبعا هتخلطى كل المكونات دى مع بعض وتعجنى العجينه لحد ما تتماسك وتحسى انها بتلزق بسيط
فى ايدك كده وتغطيها وتسيبها تخمر نص ساعه لو مستخدمه خميرة فوريه وساعه ونص لو مستخدمه خميرة بيره
وده شكلها بعد ما خمرت وجاهزة للاستخدام
هتقطعى العجينه على كام كورة صغيره
الكميه دى عملتلى 6 كورات
تاخدى كل كورة وتفرديها على الرخامه بالنشابه بالشكل ده
وكنت مجهزة طبعا الهوت دوج وحطيت فى كل عجينه هوت دوج وزيتون اسود وممكن تحطى جبنه لو تحبى
هتكون بالشكل ده
وبعدين تبرمى العجينه على بعضها زى العيش الفينو وتتننى الاطراف لتحت وتقفليها
وتخططيها بالسكينه من فوق كده
وبعد ما تخلصى الكميه كلها وتحطيهم فى صينيه الفرن
ادهنى وشها بالبيض كده ودخليها الفرن
هتاخد فى الفرن حوالى نص ساعه حسب حرارة فرنك
بس خلي الشبكه فى نص الفرن بعيد عن الحرارة المباشره
عشان العجينه متتحرقش من بره وتستوى من جوة كويس
ودى النتيجه وشكلها بعد ما استوت
وبالف هنا وشفا على قلبكم
جربوها وادعولى ربنا يخليلى بنتى ويرزقنى باخ او اخت ليها ان شاء الله
تسلموا على مروركم على موضوعى يافتوكات
ومتنسوش ال ……. تقييييييييم لو شايفين الموضوع يستاهل
فى رعاية الله ياقمرات
مواضيع هذا القسم برعاية
وجه جميل وجه جميل 376841_11.gif مشرفة عامة لأقسام الفضفضة Fatakat 376841 الشارقة – الامارات