السلام عليكم ورحمة الله وبركاته
ازيكم يا فتكيت
المهم بقى نبدأ فى اكلتي اللذيذة اللى جننتهم فى البيت
نبدا بالسمك بنجيب سمك بوري
بتنضفيه وتغسليه كويس اوى وبعدين بنتبله لمدة ساعة ب(كمون – ملح – توم وفلفل مش مطحون اوى -خل)
نيجي بقى للحشوة بتاعته
كرفس مقطع صغنتت وحطيت بقدونس كمان بردو صغير
طماطم قطع صغيرة
بصلتين شرايح
جزراية مبشورة
توم وفلفل قطع صغننة نونو
جنزبيل فرش قطعه بردو حتت صغننة
خل
نعصر كام لمونية كدا
والبهارات(ملح-فلفل-بهارات سمك-شطة-كمون)
نخلطهم سوا ونقلبهم
وبعدين نجيب بقى الصنية وندهنها زيت وبعدين ناخد حبة من الحشوة ونتبل بيهم البطاطس ونرسها فى الصنية وفوقيها السمك ونرش فوقيه باقى الحشوة ونرس معه شرايح ليمون وبعدين زيت تاني من فوق الوش ونحطها الاول حبة على النار من فوق زى ربع ساعة كدا عشان ينزل مايته
وبعد مايستوى حبة ندخله الفرن 10 دقايق من تحت وبعدين نولع الشواية من فوق عشان الوش بتاعه
ودى صورته بعد ماخلص
نجي بقى لرز الطماطم حنشوح البصلة وبعدين نحط عليها زعتر وفص توم والمفروض لمون ناشف بس انا عصرت ليمون وحطيت بردو القشرة تدي نكهة
وبعدين بنضيف بقى الرز والمياوالملح والطماطم(انا عملت عصير طماطم 3 حبات طماطم مع حبت مياوضربتهم فى الخلاط) ونسيبه يستوى
ودى صورة بقى للرز الطماطم اهو و للاكلة كلها
نيجي بقى للحلو اللى انا بموووت فيه زبادي الخلاط بالفواكه ♥ تحفةةةة
جبت زبديتين وضربتهم بكوباية لبن وسكر فى الخلاط
وبعديين صبتهم بقى على فواكه مقطعه(رومان-تفاح-موز-برتقان)
وادي الصورة
متنسوش التقييم يا فتوكات وادعولي ربنا يحقق لي ما اتمنى ويكفيني ما اهمني ويغفر لي
مواضيع هذا القسم برعاية
ريحانة الجنة منى ريحانة الجنة منى 729819_13.gif فتكات رائعة Fatakat 729819 اسكندرية – مصر