بسم الله الرحمن الرحيم
حبايبي الفتوكات
النهارده جيبالكم طريقتي في عمل السمك
اول حاجه انا بنظف السمك كويس جدا من جوه وبشيل الزعانف بتاعته بقصها بالمقص وبعدين بشيل القشور كلها بالسكينه واغسل السمك اكتر من مره في المايه لحد ميبقي لونه ابيض ونظيف وبعدين بنقعه بالملح والدقيق لمده نصف ساعه وبعدين بغسل الدقيق واحطله دقيق وملح تاني واسيبه بردوا نص ساعه كمان وبعدين بغسله بالميه تاني
وكدا بقي السمك تمام التمام وراحت زفارته
وبعدين بتبله بالتوم والملح والكمون والكسبرة الناشفة لمده ساعتين تقريبا
وبعدين ببتدي اقلي السمك بس انا لما بقليه لازم اقليه علي الوش الاول علشان التتبيله متقعش في الزيت فتمسك كويس وتجبس في السمك وبعدين اقلبه واقليه علي ظهره
وبعد مبيخرج السمك كل سمكه بعصر عليها نصف ليمونه وهيا سخنه علشان تتشرب الليمون
وبرش فوق وشها حبه كزبره خضرا مقطعين صغير
وبيطلع جميل جداااااااااااا
وبالف هنا وشفا ليكم
مواضيع هذا القسم برعاية
سمسم كولا سمسم كولا 168257_3.gif فتكات رائعة Fatakat 168257 اسيوط – مصر