طبق الخضروات المقلية بتاعى ماحدش بصراحة بيقدر يقاوم طعمه وهو يصنف على إنه صنف جانبى بس بصراحة لما باقدمه جنب أى حاجة هو اللى بيتاكل والحاجة التانية بتتساب وسهل جدا وبسيط وما بياخدش أى وقت وكفاية رغى ونبتدى :واحد باذنجان رومى متوسطة عدد إتنين كوسا كبير عدد إتنين فلفل رومى واتنين حامى بطاطساية كبيرة كل الحاجات الحلوة المغذية دى نقطعها مكعبات متوسطة ويتم تحميرها فى زيت غزير مع إحترام التكنيك طبعا نحمر أولا البطاطس ثم الكوسا ويليه الباذنجان وأخيرا الفلفل وطبعا معروف السبب ودى صورة الخضار بعد التحمير
وبعدين فى طبق بيركس أوطبق التقديم نقطع
5- واحد طماطم مكعبات
6- وواحد بصلة مكعبات
7- وحبة بقدونس
8- وحوالى 6 أو 7 حبات مخلل لفت أوخيار لكن بلاش الجزر طبعا دى حتة برضه فيها تكنيك عشان الطبق كله يكون متجانس ويتمضغ بطريقة سهلة
ودة شكل الخضار :
نيجى بقى للتتبيلة التتبيلة بتاعتى تلات ملاعق كبيرةهوت صوص +2ملعقة كبيرة خل +ملح +كمون +بابريكا
يتم خلطها أولا على طبق التقديم ويليه وضع تشكيلة الخضار المقلى ودة الشكل النهائى:
هاه إيه رأيكم إستنوا إستنوا ماتمشوش
أنا عملت جنبه برضه صنف جانبى بطاطس بانيه بطريقه سهله خالص مابتاخدش وقت
بصوا يا فتاتيك الأول تجيبوا 3 حبات بطاطس وتسلقوها وتحطوها فى الكبة وبعدين تحطوا عليها بيضة وكيس فيجتار أو بهارات وشوية بقسماط ونخلط وبعدين وإحنا واقفين على البوتاجاز نتقمص شخصية بتاع الطعمية ونكور ونرمىسوورى ياجماعة نقرص مش نكور بس نرمى فى الحالتين بس بشرط يكون الزيت غزير وحامى وتكون البطاطس ماسكة نفسها بس مش قوى يعنى زى ما بنشوف عجينة الطعمية اللى جنب الراجل ممكن نختبر الأول قرص لو حسيتوا إنها حتفك ممكن تزودى شويه بقسماط بس مش كتير
أسيبكم مع الصور
1- دى عجينة الطعم…… سورى يا جماعةعجينة البطاطس
2- وهنا باقلى وأنا متقمسه شخصيه بتاع الطعمية وطبعا حطة جنبى حلة مية زى ماهو بيعمل بالضبط يا خسارة ماصورتش حلة المية
3- ودة شكل الطبق النهائى:
ودة كان غدانا النهاردة مقبلات كلها بس بصراحة طعمها جميل جدا ومش عايزة أقولكم بتكون الحاجات دى عاملة إيه فى العزومات مابتاخدش وقت وبتملا السفرة وبتعجب الضيوف ومش مكلفة وهما دول الأربع أسباب اللى ……
و كالمعتاد حازعل قوى لو ماقيمتونيش باحبكم كلكم فى الله
وحازعل أكتر لو دخلتم وما رديتوش على بالسلب أو الإيجاب مواضيع هذا القسم برعاية
ردينى ردينى 107140_3.gif فتكات ست الكل Fatakat 107140 الرماية – مصر