بسم الله الرحمن الرحيم
السلام عليكم ورحمة الله وبركاته
اخواتى الحبيبات ربنا ميحرمناش كلنا ابدا من منتدانا الجميل اللى بفضل الله غير حياتنا كلنا للأفضل ويباركلنا في بعض ويجعلنا من عباده الصالحين
حبايبى الفتوكات انا مريت الايام اللى فاتت بتجربه عصيبه اوى وكتير منكم اكيد مر بيها وهى الالتهابات المهبليه اكرمكم الله وكانت مصحوبه بحكه ووجع جامد لدرجة انى كنت لما بدخل الحمام أعزكم الله كنت بحس انى عايزه اشد في شعرى واعيط من الالم لدرجة انى كنت مش عارفه أدخل التواليت أصلا –ده غير الافرازات الكتيره اللى كانت موجوده كانت منكده عليه عيشتى وكانت تعبانى اوى(معلش حبايبى بحكى بالتفصيل علشان لو في واحدة حالتها زىى تستفيد)
المهم انا كنت لازم ولابد اروح للدكتور علشان الحريقه اللى فيه دى بس كان عندى كام مشكله انى برضع وانا عارفه ان الدكتور حيدينى مضادات حيويه فكنت خايفه على بنتى وشوية حاجات كمان مش حوجع دماغكم بيها
فمن كتر الالم اللى كنت فيه اعدت ادور على النت قلت يمكن الاقى وصفه تنفع لحالتى او حد كاتب حل ليها لقيت المواضيع المكتوبه عن ادويه مضاد ولبوس واللذى منه وللاسف ملقيتش اللى انا عايزاه
لكن الحمد لله لقيت مقاله كان دكتور كاتبها في موضوع كبير جدا ملهوش علاقه بالموضوع ده وسبحان الله انى تقريبا قريته كله وفجأه ووسط الكلام الاقى الوصفه السحريه دى ربنا يجازيه خير انا حتى مش فاكره اسمه من كتر اللى كنت حاسه بيه بس بس بدعيله بظهر الغيب وكتبت الوصفه وجربتها
ملاحظة هامة : الوصفة دي شرب و ليست تشطيف
الوصفه هى (معلقه صغيره حلبه حصا-نصف ملعقه زنجبيل بودر-ربع ملعقة ثوم بودر )
بصراحه انا مكنتش بحب الجنزبيل لا وكمان ثوم وحلبه دا انا كده حشععع
بس من كتر تعبى مكنش في قدامى غيرها على الاقل ملهاش اضرار زى المضاد الحيوى فتوكلت على الله وبدأتكل يوم الصبح كنت بغلى كوب ماء واصبه على الخليط السابق على فكرة الوصفه كانت مكتوبه بالجرامات فمفهمتش اوى لكن ده كان تقديرى للكميه
فضلت اخدها حوالى عشرة ايام حتى ان ماما جبتلى لبوس مهبلى بعد ما بدأت اخد الخليط ده بس انا مرضتش علشان لو نجحت اجى اقولكم واكون امينه معاكم انى مستعملتش في فترة العلاج اى حاجه غير الوصفه وانا طبعا مش بقول لازم عشرة ايام بس دى تجربتى لو واحده خفت قبل كده خلاص كل واحد ادرى بس انا فضلت عليها لحد محسيت انى خفيت الحمد لله بس عيبها ان من كتر الاستعمال الثوم بيوطى الضغط لو كترناه
وبس كده حبايبى هى دى تجربتى حكيتهالكم بكل امانه لعلى اكون سبب في شفاء حد باذن الله
جيبتلكم بعض فوائد الخليط
1-الحلبه
-لقد قيل في الحلبة لو علم الناس بما فيها من فوائد لأشتروها بوزنها ذهبا
-كما قال العالم الانجليزى بليكر لو وضعت جميع الادوية في كفة ميزان ووضعت الحلبة في الكفة الاخرى لرجحت كفة الحلبة
-وقد عرف العرب الحلبة وروى عن رسول الله صلى الله عليه وسلم انه زار سعد ابن ابى وقاص وهو مريض فقال ادعوا له طبيبا فدعى الحارث بن كلده فوصف له الحلبة مع تمر عجوة فشفى
-وأوصى العالم دسقوريدس في القرن الميلادى الاول بالحلبة كعلاج لكل انواع المشكلات النسائيه بما في ذلك التهاب الرحم والتهاب المهبل
2-الثوم
عرف الثوم بفاعليته المضاده للجراثيم-الفيروسات-الفطريات فقد اثبتت العديد من التجارب بأن للثوم فاعلية مضادة للجراثيم الدقيقة أكثر من اى مادة أخرى مضادة للجراثيم بالأضافة الى ذلك تأثيره المعزز للجهاز المناعى
3-الجنزبيل
يستخدم لمنع القئ والغثيان-مضا للالتهابات-مضاد للأكسده-مضاد للسرطان
طبعا في فوايد تانيه كتير بس انا جبت الخاص بالموضوع
*وفى النهاية انا تعبت جدا في كتابة الموضوع ده ودى تجربتى الخاصه وطبعا مش منقول وانا كتبته علشان لو في حد في نفس ظروفى يستفيد فأرجوكم متبخلوش عليه بالتقييم علشان اكبر عدد من الفتوكات يستفادوا وطبعا متحرمونيش من ردودكم الغاليه
في امان الله
amtalafow amtalafow 172251_9.gif الله المستعان Fatakat 172251 *** – مصر